Jizzaxda Hamid Olimjon va Zulfiya nomidagi maktab-internati ochiladi

O‘zbekiston Vazirlar Mahkamasi 23-iyun kuni “Jizzax shahrida Hamid Olimjon va Zulfiya nomidagi ona tili va adabiyoti fanini chuqurlashtirib o‘qitishga ixtisoslashtirilgan maktab-internatini tashkil etish to‘g‘risida”gi qarorni qabul qildi. Bu haqda “Norma.uz” xabar bermoqda .
Belgilanishicha, 2017/2018-o‘quv yilida maktab-internatning 5-8-sinflariga hamda 2018/2019-o‘quv yilidan boshlab 5-sinfiga 30 nafardan o‘quvchilar qabul qilinadi.
Xalq ta’limi vazirligiga maktab-internatning moddiy-texnika bazasi, pedagog kadrlarning salohiyati hamda ehtiyojdan kelib chiqqan holda keyingi yillarda o‘quvchilarni qabul qilish kvotalariga o‘zgartirishlar kiritish huquqi berildi.
Tegishli davlat organlariga Jizzax shahrida yangidan qurilayotgan 540 o‘rinli Jizzax viloyati xalq ta’limi xodimlarini qayta tayyorlash va ularning malakasini oshirish instituti binosini maktab-internatga berish, uni 150 o‘rinli o‘quv binosi, 100 o‘rinli yotoqxona va 75 o‘rinli oshxonaga moslashtirish, shuningdek maktab-internatni o‘quv-laboratoriya jihozlari, kompyuter texnikalari, o‘quv-metodik majmualar, metodik qo‘llanmalar va badiiy adabiyotlar bilan ta’minlash bo‘yicha topshiriqlar berildi.
Xalq ta’limi vazirligi Davlat test markazi bilan birgalikda 2017/2018-o‘quv yilidan boshlab maktab-internatga iqtidorli o‘quvchilarni saralab olish maqsadida ona tili va chet tili fanlaridan test sinovi hamda psixologik-pedagogik diagnostika o‘tkazadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Jizzaxda Hamid Olimjon va Zulfiya nomidagi maktab-internati ochiladi appeared first on Daryo .
Batafsil | Подробно | Read more... Daryo