Afg‘onistonda 5 kishi zilzila qurboni bo‘ldi, 55 kishi yaralandi

Afg‘onistonda yuz bergan 7,5 magnitudali kuchli zilzila oqibatida kamida besh kishi halok bo‘ldi, 55 kishi yaralandi. Bu haqda “RIA Novosti” Nangarhar viloyati rahbari ma’lumotiga tayanib xabar beradi .

Foto: AP Photo

Avvalroq yer qimirlashi natijasida Afg‘oniston shimoli-sharqidagi Bag‘lon viloyatida besh nafar bolaning yaralanganligi ma’lum qilingan edi.
Eslatib o‘tamiz, epimarkazi Afg‘onistonda bo‘lgan yer silkinishi natijasida Pokistonda kamida 13 kishi halok bo‘ldi . Hindikush tog‘larida 26-oktabr, dushanba kuni Afg‘oniston vaqti bilan 14:09 da 7,5 magnitudali yer qimirlashi yuz berdi. Jarm shahridan 45 kilometr janubi-g‘arbda sodir bo‘lgan zilzilaning o‘chog‘i 212,5 kilometr chuqurlikda joylashdi.
Yerosti silkinishlari Pokiston, Hindiston, Qirg‘iziston, Tojikiston, Ozarbayjon, Qozog‘iston, O‘zbekiston va Rossiyada sezildi.
Batafsil | Подробно | Read more... Daryo