Turkiyada IShID jangarilarining uyiga reyd chog‘ida 2 nafar politsiyachi halok bo‘ldi

Turkiya janubi-sharqida IShID jangarilari guruhi bilan otishma natijasida ikki nafar turkiyalik politsiyachi halok bo‘ldi, to‘rt nafari jabrlandi. Bu haqda “TASS” mahalliy televideniye ma’lumotiga tayanib xabar beradi .

Foto: AP Photo

Politsiya xodimlari erta tongda Diyorbakr shahridagi jangarilar yashovchi hudud bo‘ylab reyd o‘tkazdi. Ular IShIDning mahalliy guruhi tomonidan foydalanilayotgan uy haqida ma’lumot olgan edi. Maxsus topshiriqli otryad va Xavfsizlik boshqarmasining terrorchilikka qarshi kurash bo‘limi xodimlari bronlashtirilgan texnika ko‘magida binoga kirishning barcha yo‘llarini yopib, maxsus operatsiyani boshladi.
Terrorchilar tartib qo‘riqchilariga qarata o‘t ochdi. Shafqatsiz otishma natijasida og‘ir yaralangan ikki politsiyachi shifoxonada halok bo‘ldi. Otishma davomida to‘rt nafar jangarining o‘ldirilganligi ma’lum qilindi.
Batafsil | Подробно | Read more... Daryo