Toshkent davlat pedagogika universiteti dekan muovini 7 ming dollar pora bilan qo‘lga tushdi

Toshkent davlat pedagogika universitetining Boshlang‘ich ta’lim va jismoniy madaniyat fakulteti ma’naviy-ma’rifiy ishlar bo‘yicha dekan muovini Gulchiroy Abduraimova o‘qishga kiritib qo‘yish va’dasi bilan pora olayotgan vaqtda qo‘lga tushdi.
Toshkent shahar Ichki ishlar bosh boshqarmasidan ma’lum qilishlaricha , Gulchiroy Abduraimova bir fuqaroning ishonchiga kirib, uning tanishini “oliygohning mansabdor shaxslariga pora berish yo‘li bilan” o‘qishga kiritib qo‘yishni va’da qilgan.
Dekan muovini 10-iyul kuni soat taxminan 16:00 da o‘tkazilgan tezkor tadbir davomida 7 000 AQSh dollari miqdoridagi pulni olayotgan vaqtda ashyoviy dalil bilan qo‘lga olingan.
“Mazkur holat yuzasidan Chilonzor tuman prokuraturasi tomonidan Jinoyat kodeksining 168-moddasi 2-qismi ‘a’ bandi (firibgarlik, ya’ni, ancha miqdorda, o‘zganing mulkini aldash va ishonchni suiiste’mol qilish yo‘li bilan qo‘lga kiritish) va 28, 211-moddasi 1-qismi (pora berishga dalolatchilik qilish) alomatlari bilan jinoyat ish qo‘zg‘atilgan”, — deyiladi IIBB axborotida.
Hozirda dastlabki tergov harakatlari davom ettirilib, Gulchiroy Abduraimovaning boshqa jinoyatlarga aloqadorligi tekshirilmoqda.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Toshkent davlat pedagogika universiteti dekan muovini 7 ming dollar pora bilan qo‘lga tushdi appeared first on Daryo .
Batafsil | Подробно | Read more... Daryo