Otasi amerikalik, onasi o‘zbekistonlik bo‘lgan bokschi Profsor Rorimsha haqida qisqacha

Tailand mezbonlik qilgan boks bo‘yicha Osiyo chempionatining 91 kilogrammgacha bo‘lgan vazn toifasida o‘zbekistonlik Profsor Rorimsha oltin medalni qo‘lga kiritgan bo‘lib, bu yakunda mamlakat delegatsiyasining umumjamoa hisobida 1-o‘rinni qo‘lga kiritishiga yordam bergandi.

Foto: MOQ

Milliy olimpiya qo‘mitasi matbuot xizmati mazkur voqea haqida yozar ekan , quyida fikrlarni bildirdi:
“O‘zbekiston terma jamoasi sharafini himoya qilgan Profsor Rorimsha xususida ijtimoiy tarmoqlarda turli fikrlar bildirilmoqda. Go‘yoki, Rio o‘yinlarida Ozarbayjon terma jamoasi sharafini himoya qilgan kubalik Lorentso Sotomayor kabi Rorimsha ham O‘zbekiston terma jamoasi tarkibiga legioner sifatida jalb etilgan”.
Shundan so‘ng MOQ masalaga oydinlik kiritgan. Birinchidan, sportning boks turida O‘zbekiston hech qanday legioner xizmatiga muhtoj emas, deb yozadi matbuot xizmati. O‘zbekiston shundoq ham jahonda yetakchilardan biri. Rio—2016 Olimpiadasida ham, keyinroq Toshkentdagi Osiyo chempionatida ham O‘zbekiston boks terma jamoasi barchadan ustun bo‘la oldi.

Foto: MOQ

Profsor Rorimsha asli buxorolik bo‘lgan Gulandom Rahmatova hamda AQSh fuqarosi Rorumesha Ibragim Suvedining farzandi. “Olamsport” nashriga bergan intervyusida Rorimsha 1999-yil Dubayda tug‘ilganini, 4 yoshida O‘zbekistonga kelganini aytgan. U ayni paytda Buxoro olimpiya zaxiralari kollejida tahsil oladi.
Boksda unga Ulug‘bek Qilichev ustozlik qildi. Rorimsha 2015-yil Toshkentdagi o‘smirlar o‘rtasidagi Osiyo chempionatida oltin, Sankt-Peterburgdagi Jahon chempionatida esa bronza medaliga ega chiqdi. Oradan ikki yil o‘tib yoshlar o‘rtasidagi qit’a chempionatida chempion bo‘ldi.
“Olamsport”dagi intervyusida Rorimsha o‘zbek tilida bemalol so‘zlashishi haqida aytgan. “Kichik paytimda uyda onam inglizcha gapirsalar, men o‘zbek tilida javob berardim. O‘rtoqlarim bilan ham o‘zbekcha gaplashardim”, — deydi bokschi.

Foto: MOQ

“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Otasi amerikalik, onasi o‘zbekistonlik bo‘lgan bokschi Profsor Rorimsha haqida qisqacha appeared first on Daryo .
Batafsil | Подробно | Read more... Daryo