Kim Chen In qit’alararo raketa yaratuvchilariga mukofotlar topshirdi

KXDRda “Xvason-14” qit’alararo ballistik raketasining muvaffaqiyatli sinovi mamlakatning strategik pozitsiyasini tubdan o‘zgartirdi, deb yozadi “TASS”. Bu haqda, Koreya markaziy telegraf agentligi ma’lum qilishicha, xalq respublikasi yetakchisi Kim Chen In aytib o‘tgan.

Foto: AP

Koreya Mehnat partiyasi va KXDR Davlat kengashi raisi Pxenyandagi “Mansude” syezdlar saroyida ushbu raketa loyihasini amalga oshirishda qatnashgan olimlar va texnologlarni taqdirlash marosimida so‘zga chiqdi.
Kim Chen Inning so‘zlariga ko‘ra, KXDRdagi “Xvason-14” qit’alararo ballistik raketasining muvaffaqiyatli sinovi “mamlakat strategik pozitsiyasini va dunyo siyosiy tuzilmasini tubdan o‘zgartirgan”.
“Bu voqea partiya tomonidan tanlangan, iqtisodiyotni rivojlantirish va yadro kuchlarini mustahkamlashni parallel tarzda olib borish yo‘li asosli ekanligini tasdiqladi”, — dedi respublika yetakchisi. Kim Chen In ishonch bildirishicha, mudofaa sanoatida band bo‘lgan olimlar va texnologlar “Bajar yoki jon ber!” shiori ostida harbiy kafolatlarni ta’minlashda yangi yorqin muvaffaqiyatlarga erishadi.
Raketaning ko‘zga ko‘ringan yaratuvchilari Kim Ir Sen va Kim Chen Ir ordenlari bilan taqdirlandi, ularga KXDR qahramonlari yoki KXDR mehnat qahramonlari unvonlari berildi hamda “O‘roq va bolg‘a” oltin medallari, shuningdek, birinchi darajali Davlat bayrog‘i ordenlari topshirildi. Yana bir guruh texnolog, muhandis va ishchilarga boshqa mukofotlar, xususan, Kim Ir Sen va Kim Chen Ir tasvirlari tushirilgan soatlar, shuningdek, hozirgi davlat rahbarining iqtiboslari to‘plamlari topshirildi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Kim Chen In qit’alararo raketa yaratuvchilariga mukofotlar topshirdi appeared first on Daryo .
Batafsil | Подробно | Read more... Daryo