Samsung SmartTV — har bir xonadonda bo‘lishi zarur aqlli televizor

Qoratoshdagi MediaPark’da 7-iyul kuni O‘zbekistonda ishlab chiqarilayotgan Samsung SmartTV televizorlarining 5 va 6-seriyalari taqdimoti bo‘lib o‘tdi.

Foto: Madina Nurman

SmartTV nima? U ham televizor, lekin aqlli — bu televizor orqali nafaqat telekanallarni tomosha qilish, balki internetga ulanish, ijtimoiy tarmoqlarda do‘stlar bilan suhbatlashish, o‘yinlar o‘ynash mumkin. Imkoniyatlari jihatdan kompyuter va smartfonga yaqin mazkur qurilma uchun maxsus ishlab chiqilgan dasturlar vaqtni chog‘ o‘tkazish, zarur axborotni olish va ma’lumotlarni uzatish imkonini beradi. Va bu hali SmartTV’ning barcha imkoniyatlari emas.

Foto: Madina Nurman

Televizorlar taqdimotida ishtirok etgan Samsung Electronics’ning O‘zbekistondagi vakolatxonasi rahbari Shin Vun Minning alohida ta’kidlashicha, “SmartTV bugun har bir xonadonda bo‘lishi zarur anjomdir”.

Foto: Madina Nurman

“SmartTV qandaydir murakkab narsa, deb o‘ylamaslik lozim. O‘z navbatida, televizorga shunchaki telekanallarni ko‘rsatib beruvchi qurilma sifatida munosabatda bo‘lish davri ham o‘tdi. Atigi 10 yil avval mobil telefonlar bor-yo‘g‘i aloqa vositasi edi, hozir esa hayotimizning ajralmas qismiga aylangan aloqadan boshqa ham har turli vazifalarni bajara oladigan ishchi quroldir. SmartTV ham shunday — u sizga istalgan vaqtda siz xohlagan narsani ko‘rish va o‘qish imkonini beradi”, — deydi janob Min.

Foto: Madina Nurman

Darhaqiqat, Samsung SmartTV’ning interfeysi har bir nuqtasigacha o‘ylab ishlangan bo‘lib, oddiy mobil telefonning istalgan foydalanuvchisi hech bir qiyinchiliksiz bu aqlli televizorni boshqarishi mumkin. Xususan, Samsung-Smart funksiyasi yordamida bevosita video ko‘rish vaqtida Facebook yoki boshqa bir messenjer vositasida do‘stlar bilan muloqot qilish mumkin.

Foto: Madina Nurman

Besh yildan beri Artel bilan hamkorlik qilayotgan Samsung Electronics 2016-yildan boshlab O‘zbekistonda televizorlar ishlab chiqarishni yo‘lga qo‘ygan. Bu yildan Toshkentdagi sobiq “Tashselmash” zavodi o‘rnidagi ishlab chiqarish quvvatlarida 5- va 6-seriya Samsung SmartTV televizorlari tayyorlanmoqda.

Foto: Madina Nurman

5-seriya televizorlari 43, 49 va 55 diagonallarda ishlab chiqarilayotgan bo‘lsa, 6-seriya hozircha faqat 55 diagonalli talqini bilan kifoyalangan. Qayd etishlaricha, koreys texnologiyasi asosida ishlab chiqarilgan televizorlar sifati Samsung’ning Koreyadagi bosh ofisi tomonidan qat’iy nazorat qilinadi, xodimlar esa muntazam ravishda Koreyada malaka oshirib qaytadi.

Foto: Madina Nurman

Bundan tashqari, O‘zbekistonda ishlab chiqarilgan Samsung SmartTV televizorlariga avvalboshdan AllPlay dasturi o‘rnatilgan bo‘lib, mazkur dastur yordamida xaridorlar “Player.uz”, “AllMovies.uz” servislari va HD formatdagi IPTV telekanallaridan bir yil davomida bepul foydalanishlari mumkin.

Foto: Madina Nurman

Aqlli va zamonaviy ushbu televizorlar MediaPark tarmog‘ida diagonallari va boshqa ko‘rsatkichlardagi farqlariga ko‘ra 5,5 million so‘mdan 10 so‘mgacha bo‘lgan narxlarda sotilmoqda. Samsung Electronics vakillarining ma’lum qilishicha, yangi televizorlarni qulay shartlar asosida kreditga ham olish mumkin.

Foto: Madina Nurman

O‘zbekiston uchun texnik o‘sish va mahalliy bozorning sifatli mahsulot bilan to‘ldirilishi ramzi hisoblangan Samsung SmartTV televizorlari xonadoningizdagi barcha yosh vakillariga mos qulay ham qiziqarli qurilma bo‘lishiga shubha yo‘q!
Reklama huquqi asosida
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samsung SmartTV — har bir xonadonda bo‘lishi zarur aqlli televizor appeared first on Daryo .
Batafsil | Подробно | Read more... Daryo