Surxondaryodan Afg‘onistonga 12 ming tonna dukkakli mahsulotlar eksport qilindi

Surxondaryoda 2017-yil davomida 30 dan ortiq tadbirkorlik subyekti tomonidan qariyb 37 ming tonna qishloq xo‘jaligi mahsulotlari Rossiya, Belarus, Ukraina, BAA, Hindiston, Eron, Pokiston va boshqa davlatlarga eksport qilindi. Bu haqda viloyat bojxona boshqarmasi axborot xizmati ma’lum qildi . 

Foto: Surxondaryo viloyat bojxona boshqarmasi axborot xizmati

Afg‘oniston O‘zbekistonning dukkakli mahsulotlariga asosiy xaridorlardan biri hisoblanadi. Yil davomida vohadan xorijga eksport qilingan 14,3 tonnadan ortiq bu turdagi mahsulotlarning 12 ming tonnadan ortig‘i, ya’ni salkam 84 foizi aynan Afg‘onistonga yetkazib berildi.
—Joriy yilda dukkakli mahsulotlarni nafaqat Afg‘oniston, balki Hindiston, Pokiston, Eron kabi davlatlarga ham yetkazib berdik, – deydi “Jarqo‘rg‘on-meva-sabzavot” MChJ vakili A.Rahmonov. — Ushbu mahsulotlarning eksportiga oid bojxona rasmiylashtiruvini avvalgidan farqli ravishda o‘z ish joyimizdan, masofadan turib elektron tarzda amalga oshiryapmiz. Bu esa vaqt va sarf-harajatlarni tejab, bojxona organlariga bormasdan mahsulotlarimizni eksport qilishda juda qo‘l kelmoqda. 1-iyuldan boshlab meva-sabzavotlarning haqini oldindan 100 foiz to‘lash sharti bilan to‘g‘ridan to‘g‘ri shartnomalar asosida eksport qilish vakolati doirasida xorijiy hamkorlarimiz bilan bir nechta shartnoma tuzish arafasidamiz. 
Agrofirma vakilining ta’kidlashicha, ushbu eksportyor tashkilot orqali 2017 yilning 6 oyi davomida salkam 13,5 ming tonna turli xil meva-sabzavot mahsulotlari xorijga eksport qilingan bo‘lib, ularning 8,6 ming tonnasini dukkakli mahsulotlar tashkil qiladi.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Surxondaryodan Afg‘onistonga 12 ming tonna dukkakli mahsulotlar eksport qilindi appeared first on Daryo .
Batafsil | Подробно | Read more... Daryo