O‘zbekistonlik Rashid Qurbonov erkin kurash bo‘yicha xalqaro turnirda kumush medalga sazovor bo‘ldi

Rossiyaning Botlix shahrida erkin kurash bo‘yicha an’anaviy xalqaro turnir o‘tkazildi. Mazkur musobaqada Rossiya, O‘zbekiston, Qozog‘iston, Ozarbayjon, Tojikiston, Polsha, Ruminiya va Bolgariya davlatlari vakillari g‘oliblik uchun kurash olib bordi, deb xabar beradi O‘zbekiston Milliy olimpiya qo‘mitasi matbuot xizmati.

Foto: O‘zbekiston Milliy olimpiya qo‘mitasi matbuot xizmati

Qizg‘in kechgan musobaqalar yakunlariga ko‘ra, o‘zbekistonlik Rashid Qurbonov (-74 kg) finalga qadar kechgan bellashuvlarni g‘alaba bilan yakunlab, kumush medal sovrindori bo‘ldi.
Ushbu vazn toifasida oltin medalni rossiyalik Gadji Nabiyev qo‘lga kiritgan bo‘lsa, bronza medallar Magomed Ramazanov (Rossiya) va Daniyar Kaysanov (Qozog‘iston)ga nasib etdi.
Eslatib o‘tamiz, joriy mavsumda Rashid Qurbonov Osiyo chempionatida bronza medaliga sazovor bo‘lgan edi .
Batafsil | Подробно | Read more... Daryo