Kichik Tramp o‘zining Veselnitskaya bilan uchrashuvi tafsilotlarini so‘zlab berishga tayyor ekanligini bildirdi

AQSh prezidentining o‘g‘li kichik Donald Tramp rossiyalik advokat Natalya Veselnitskayaga bog‘liq uchrashuv yuzasidan qasam ichib ko‘rsatma berishga tayyor ekanligini ma’lum qildi, deb xabar berdi “Interfaks”.

Foto: Reuters

Fox News telekanali jurnalistlari tomonidan uchrashuv haqida barchasini qasam ichgan holda aytib berishga tayyormisiz degan savolga u “Barchasini” deya javob berdi.
Avvalroq, bunday taklifni AQSh Senatidagi demokratik ozchilik yetakchisi Chak Shumer bildirgandi, u “Bizga kichik Donald Trampning qasam ichgan holda bergan ko‘rsatmalari zarur, u bu voqea yuzasidan ko‘rsatmalarini bir necha bor o‘zgartirdi”, deya ta’kidlagan edi.
Avvalroq, xorijiy OAVda kichik Tramp o‘tgan yilning iyunida, AQSh prezidentligiga saylovlar boshlanishi oldidan “Kreml bilan aloqasi bor” va AQSh prezidentligiga nomzod Hillari Klinton borasida ma’lumotlarga ega deya taxmin qilinayotgan Veselnitskaya bilan uchrashgani haqida xabarlar tarqalgan edi. Uchrashuvda saylovoldi shtabining rahbari Pol Manafort va Dolnald Trampning kuyovi — Jared Kushner ham qatnashgan.
Kichik Tramp va Kushnerning vakillari uchrashuv haqidagi faktni tasdiqlagan. Ularning ta’kidlashicha, uchrashuvda farzand asrab olish dasturi muhokama qilingan va saylov mavzusi haqida so‘z bormagan.
Veselnitskaya NBC telekanaliga bergan intervyusida o‘zida hech qachon Klintonning nomini bulg‘aydigan ma’lumot bo‘lmaganini so‘zlagan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Kichik Tramp o‘zining Veselnitskaya bilan uchrashuvi tafsilotlarini so‘zlab berishga tayyor ekanligini bildirdi appeared first on Daryo .
Batafsil | Подробно | Read more... Daryo