Shavkat Mirziyoyev Yunusobod tumaniga tashrif buyurib, Qo‘riqlash boshqarmasi faoliyati bilan tanishdi

O‘zbekiston Prezidenti Shavkat Mirziyoyev 15-iyul kuni poytaxtning  Yunusobod tumaniga tashrif buyurdi, deb xabar berdi O‘zA.
Prezident tumanda joylashgan Toshkent shahar ichki ishlar bosh boshqarmasining Qo‘riqlash boshqarmasi faoliyati bilan tanishdi.
Sohaga zamonaviy axborot-kommunikatsiya texnologiyalari joriy etilayotgani tinchlik-osoyishtalikni mustahkamlash, jamoat tartibini saqlashda muhim o‘rin tutmoqda. Mamlakatdagi barcha militsiya tayanch punktlarini o‘zaro bog‘lovchi optik tolali tizim barpo etilmoqda.
Toshkent shahar ichki ishlar bosh boshqarmasining Qo‘riqlash boshqarmasida ham jamoat xavfsizligini ta’minlashda zamonaviy axborot-kommunikatsiya texnologiyalaridan keng foydalanilmoqda. Bosh boshqarmada “Xavfsiz shahar” boshqaruv situatsion markazi tashkil etilmoqda. Markaz yo‘l harakati xavfsizligi, yong‘in xavfsizligi, qo‘riqlash xizmati, post-patrul xizmati va boshqa tarmoqlarni geoinformatsion tizim orqali boshqaradi. Bozorlar, ta’lim va tibbiyot muassasalari, mehmonxonalar, yo‘llar va boshqa jamoat joylariga o‘rnatilgan videokuzatuv uskunalari, zamonaviy signal uzatish texnikasi bunda qo‘l keladi. Bu jinoyat va huquqbuzarlik sodir etilishining oldini olish, ularni tez fursatlarda bartaraf etishda muhim ahamiyatga ega.
Prezident mazkur boshqaruv tizimini ikki yil davomida sinovdan o‘tkazish, ichki ishlar xodimlarining axborot texnologiyalari bo‘yicha bilimini oshirish, Muhammad al-Xorazmiy nomidagi Toshkent axborot texnologiyalari universiteti va Toshkentdagi Inha universitetida ixtisoslashgan kadrlar tayyorlash, tizim puxta o‘zlashtirilganidan keyin uni mamlakatning barcha shaharlarida joriy etish zarurligini ta’kidladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shavkat Mirziyoyev Yunusobod tumaniga tashrif buyurib, Qo‘riqlash boshqarmasi faoliyati bilan tanishdi appeared first on Daryo .
Batafsil | Подробно | Read more... Daryo