Haj safariga bepul jo‘natiladigan 73 nafar Ikkinchi jahon urushi qatnashchilari ro‘yxati tuzildi

Ayni kunlarda O‘zbekistonda 73 nafar Ikkinchi jahon urushi qatnashchilari haj safariga borish taraddudini ko‘rmoqda, deya xabar bermoqda “Nuroniy” jamg‘armasi Axborot xizmati.

Foto: O‘zA

Shavkat Mirziyoyevning “Ikkinchi jahon urushi qatnashchilarini rag‘batlantirish to‘g‘risida”gi Farmoniga asosan, 2017-yil 1-maygacha O‘zbekistondagi 1615 nafar Ikkinchi jahon urushi qatnashchilariga ikki million so‘mdan bir martalik pul mukofotlari  to‘liq va tantanali bayramona vaziyatda topshirildi.
Prezidentning “Xotira va Qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi Qarori ijrosi doirasida 14 nafar ehtiyojmand Ikkinchi jahon urushi qatnashchilariga yangi zamonaviy uy-joylar tufha etildi. Urush faxriylari istiqomat qiladigan 172 ta uy-joy to‘liq qayta ta’mirlandi.
Bundan tashqari 346 nafar urush faxriylariga 3 milliard 894 million so‘mlik ijtimoiy himoya va moddiy yordam ko‘rsatildi. Jumladan, ehtiyojmand urush qatnashchilariga nogironlik aravachasi, eshitish moslamasi, qo‘ltiqtayoq, dori-darmon vositalari hamda uy-ro‘zg‘or buyumlari yetkazib berildi.
Mamlakatning turli hududlarida istiqomat qiluvchi Ikkinchi jahon urushi qatnashchilarining muborak haj ziyoratiga borish bo‘yicha bildirgan  istaklari hamda “Nuroniy” jamg‘armasining taklifi inobatga olinib, ilgari haj ziyoratiga borolmagan yoki bunga imkoni bo‘lmagan Ikkinchi jahon urushi qatnashchilari Prezident tomonidan ajratilgan mablag‘lar hisobidan haj ziyoratiga yuboriladigan bo‘ldi.
Shu asosda “Nuroniy” jamg‘armasi, Din ishlari bo‘yicha qo‘mita, mahalliy hokimliklar hamda boshqa jamoat tashkilotlari ishtirokida haj ziyoratiga borish istagini bildirgan Ikkinchi jahon urushi qatnashchilarining ro‘yxati shakllantirildi hamda ularning barchasi o‘rnatilgan tartibda to‘liq tibbiy ko‘rikdan o‘tkazildi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Haj safariga bepul jo‘natiladigan 73 nafar Ikkinchi jahon urushi qatnashchilari ro‘yxati tuzildi appeared first on Daryo .
Batafsil | Подробно | Read more... Daryo