Angrenda aka-uka talonchilar qo‘lga olindi

Toshkent viloyatining Angren shahrida sodir etilgan talonchilik jinoyati ichki ishlar organlari xodimlarining tezkor harakatlari natijasida fosh etilib, gumondorlar qo‘lga olindi. Bu haqda viloyat IIB xabar berdi.
Fuqaro B. A. 2017-yil 25-iyun soat taxminan 01:30 da, o‘zganing mol-mulkini yashirin ravishda talon-taroj qilish maqsadida, akasi D. A. va tanishi A. S. bilan oldindan jinoiy til biriktirib, Angren shahar Ko‘kterak mahallasidagi xonadonga D. A. bilan devordan oshib kirgan.
Aka-uka xonadon yotoqxonasi va mehmonxonasidan fuqaro L. I.ga tegishli bo‘lgan narxi 1 500 000 so‘mlik Samsung rusumli planshet, narxi 2 000 000 so‘mlik iPhone 4, narxi 3 000 000 so‘mlik iPhone 5S rusumli uyali aloqa telefonlari, narxi 700 000 so‘mlik tilla uzuk, narxi 700 000 so‘mlik bir juft tilla sirg‘a hamda 80 000 so‘m naqd pulni qo‘lga kiritgan. Uy egasining uyg‘onib ketganligi sababli ular jinoyat joyidan qochib ketgan.
Olib borilgan surishtiruv ishlari natijasida A. S. 2017-yil 24-iyun kuni ertalab, aka-ukalar B. va D. A.ning uyiga kelgan va ularga puldan qiynalayotganligini aytgan. Suhbat davomida A. S. o‘zi yashaydigan Ko‘kterak mahallasida yashovchi bir shifokor borligi, u har kuni uyida bemorlarni qabul qilishi, puli ko‘pligi, uyda faqat er-xotin yashashi, boshqa hech kim yashamasligi, tunda ularni uyiga kirib pullarini o‘g‘irlab chiqish mumkinligi, uy egalari buni sezmasligini aytib, bu ishni birga amalga oshirishni taklif qilgan. Sheriklarini jinoyat sodir etishga qiziqtirgan A. S. ularga xonadonni ko‘rsatib, xonadonga qanday kirish mumkinligi haqida aniq ma’lumot bergan.
Dastlabki tergov harakatlari davomida to‘plangan hujjatlarga ko‘ra, 1987-yilda tug‘ilgan B.A. muqaddam qasddan badanga og‘ir shikast yetkazish, bosqinchilik, talonchilik kabi og‘ir jinoyatlarni sodir etganligi bois javobgarlikka tortilgan.
Hozirgi vaqtda ushbu shaxslarga nisbatan O‘zbekiston Respublikasi Jinoyat Kodeksining tegishli moddalariga asosan jinoyat ishi qo‘zg‘atilib, tergov harakatlari olib borilmoqda.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Angrenda aka-uka talonchilar qo‘lga olindi appeared first on Daryo .
Batafsil | Подробно | Read more... Daryo