Davlat bojxona qo‘mitasi vakili: Bojxona to‘lovlari dorilar narxining oshishiga yuz foiz ta’sir qilmaydi

20-iyul, payshanba kuni “O‘zbekiston” teleradiokanali orqali “Biz uchun muhim” ko‘rsatuvining navbatdagi soni to‘g‘ridan-to‘g‘ri efir orqali tomoshabinlarga uzatildi.
Ko‘rsatuvda ekspert sifatida Sog‘liqni saqlash vazirining birinchi o‘rinbosari Bahodir Yusupaliyev, “Dori-darmon” aksiyadorlik kompaniyasi tijorat direktori Abdug‘ani Komilov, Davlat bojxona qo‘mitasi, Markaziy bank va boshqa davlat idora vakillari, xususiy dorixona hamda OAV vakillari ishtirok etdi.
Tomoshabinlar tomonidan nega ko‘plab dorixonalar 24 soat ishlamaydi, ishlaganlarida ham dori vositalari narxlari kunduzgiga nisbatan ancha qimmat degan savolga “Dori-darmon” aksiyadorlik kompaniyasi tijorat direktori javob berdi:
“Toshkent shahrida bizning 70 dan ortiq dorixonalarimiz mavjud bo‘lsa, shularning 10 ga yaqini kun-u tun navbatchilik qiladi. Ularda dorilarning narxlari kunduzgiga nisbatan o‘zgarmaydi”, — dedi Abdug‘ani Komilov.
Ko‘rsatuv davomida xorijdan keladigan dorilar valyuta olishdagi muammolar sabab yuzaga kelmoqdami degan savol ham berildi.
“Biz har bir aholining ehtiyoji uchun valyuta ajrata olmaymiz. Buning imkoni yo‘q. Biroq Markaziy bank tomonidan har oyda xorijdan sotib olinadigan dori vositalari uchun 10—15 million dollar ajratilmoqda. “O‘zfarmsanoat”ning xorijdan dori ishlab chiqarishda kerak bo‘ladigan texnologiyalari va xomashyolari uchun esa 10 million dollar ajratilmoqda”, — dedi Markaziy bank vakili.
Dori vositalarining narx-navosini oshishida bojxona to‘lovlarining ortganligini ta’siri bormi, degan savolga Davlat bojxona qo‘mitasi Axborot xizmati katta inspektori Husan Tangriyev javob berdi:
“Xorijdan kirib keladigan dorilarda yurtimiz tomonidan ancha imkoniyatlar yaratilgan. Xususan, MDH davlatlaridan kirib keladigan dori vositalari import boji, aksiz solig‘i va qo‘shimcha qiymat soliqlaridan ozod qilingan. Shunday ekan dori narxlarini oshishiga bojxona bojlari 100 foiz ta’sir qilmaydi”, — dedi Husan Tangriyev.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Davlat bojxona qo‘mitasi vakili: Bojxona to‘lovlari dorilar narxining oshishiga yuz foiz ta’sir qilmaydi appeared first on Daryo .
Batafsil | Подробно | Read more... Daryo