Abdulaziz Komilov Afg‘oniston prezidenti vakillari bilan uchrashuv o‘tkazdi

O‘zbekiston Respublikasi tashqi ishlar vaziri Abdulaziz Komilov mamlakatga amaliy tashrif bilan kelgan Afg‘oniston Islom Respublikasi delegatsiyasi bilan uchrashuv o‘tkazdi. Bu haqda vazirlik matbuot xizmati ma’lum qildi .

Foto: O‘zbekiston TIV matbuot xizmati

Delegatsiya tarkibidan Afg‘oniston prezidentining milliy xavfsizlik masalalari bo‘yicha maslahatchisi Muhammad Hanif Atmar, prezidentning infratuzilmalar, kadrlar resurslari va texnologiyalar bo‘yicha katta maslahatchisi Muhammad Humoyun Qayumiy, prezidentning MDH mamlakatlari va Rossiya bilan hamkorlikni rivojlantirish bo‘yicha maxsus vakili Shokir Korgar hamda boshqa rasmiy shaxslar o‘rin olgan.
Vazirlikda ikki tomon kun tartibining keng qamrovli masalalari muhokama qilindi hamda xalqaro va mintaqaviy masalalar yuzasidan fikr almashildi.
O‘zbekiston Respublikasi Prezidenti Shavkat Mirziyoyevning Afg‘oniston prezidenti Muhammad Ashraf G‘ani bilan joriy yilning 8-iyul kuni ShHTning Ostona sammiti doirasida o‘tkazgan uchrashuvi davomida erishilgan kelishuvlarni amalga oshirishga alohida e’tibor qaratildi.
TIVdagi suhbatda Afg‘oniston elchisi Sayid Shahobiddin Timuriy ishtirok etdi.
Afg‘oniston delegatsiyasi aniq takliflarni ko‘rib chiqish maqsadida qator vazirliklar, idoralar va yetakchi korxonalarida hamkorlikni kengaytirishga qaratilgan ikki tomonlama uchrashuvlar o‘tkazishi rejalashtirilgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Abdulaziz Komilov Afg‘oniston prezidenti vakillari bilan uchrashuv o‘tkazdi appeared first on Daryo .
Batafsil | Подробно | Read more... Daryo