Shavkat Mirziyoyev Parkentda Aminjon ota Muhammadjonovning bog‘ida bo‘ldi

O‘zbekiston Prezidenti Shavkat Mirziyoyev Parkent tumani “Guliston” mahallasida yashovchi Aminjon ota Muhammadjonovning bog‘ida bo‘ldi. Bu haqda O‘zA xabar bermoqda .

Foto: O‘zA

74 yoshni qarshilagan Aminjon bobo umr yo‘ldoshi Ixtibor momo bilan besh farzandni tarbiyalab, voyaga yetkazgan. Farzandlarining barchasi oliy ma’lumotli. Nuroniylar bugun 14 nevara, 3 evarasi ardog‘ida.
Aminjon ota farzandlari bilan “Zuhra ona plyus” xususiy korxonasini tashkil etgan. Mahalladagi qariyb 3 gektar yerda manzarali daraxtlar va butalar ekib, bog‘ yaratgan.
Shavkat Mirziyoyev bog‘ni kirib ko‘rdi. Shunday ajoyib bog‘ yaratgani, xorijdan ko‘chatlar olib kelib, O‘zbekiston sharoitida ko‘paytirayotgani uchun Aminjon boboga minnatdorlik bildirdi.
Odamning qo‘li gul degani mana shu. Bu bog‘ Vatanni sevishning, mehnatsevarlikning yaqqol namunasi. Otaxonning tajribasini o‘rganish, odamlarga ibrat qilib ko‘rsatish kerak. Bu kishi qishloq xo‘jaligi sohasidagi ta’lim muassasalarida dars bersin, odamlar kelib bu ishlarni o‘rgansin.
Shavkat Mirziyoyev, O‘zbekiston Prezidenti
Davlat rahbari bog‘da mahalla faollari, nuroniylar bilan suhbatlashdi.
Davlat siyosatining mazmun-mohiyati, O‘zbekistonda amalga oshirilayotgan islohotlar natijasi, Toshkent viloyatini har tomonlama rivojlantirishga qaratilgan rejalar haqida so‘z yuritildi.
Nuroniylar xalq bilan muloqot qilib, inson manfaatlarini ta’minlashda shaxsan namuna bo‘layotgani, Toshkent viloyatini rivojlantirish, odamlar turmush farovonligini oshirishga qaratayotgan e’tibori uchun Prezidentga minnatdorlik bildirdi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Shavkat Mirziyoyev Parkentda Aminjon ota Muhammadjonovning bog‘ida bo‘ldi appeared first on Daryo .
Batafsil | Подробно | Read more... Daryo