Yangiyo‘l va Ohangaron yana viloyat bo‘ysunuvidagi shaharlarga aylantiriladi. Yetti yil avval ular tuman bo‘ysunuviga o‘tkazilgan edi

O‘zbekiston Prezidenti Shavkat Mirziyoyev 20-iyul kuni “Toshkent viloyatining ma’muriy-hududiy tuzilishini hamda mahalliy ijroiya hokimiyati organlari faoliyatini yanada takomillashtirish chora-tadbirlari to‘g‘risida”gi qarorni imzoladi .

Foto: “Toshvil.uz”

Prezident ushbu qarori bilan Vazirlar Mahkamasining Toshkent viloyati hududidagi Ohangaron va Yangiyo‘l shaharlarini viloyat bo‘ysunuvidagi shaharlar turkumiga kiritish to‘g‘risidagi taklifini ma’qulladi.
Endi hukumat keyingi bir oy ichida Ohangaron va Yangiyo‘lni viloyat bo‘ysunuvidagi shaharlar turkumiga kiritish to‘g‘risidagi taklifni Oliy Majlis palatalariga kiritishi lozim bo‘ladi.
“O‘zbekiston Respublikasida ma’muriy-hududiy tuzilish masalalarini hal etish tartibi to‘g‘risida”gi qonunga muvofiq , viloyat bo‘ysunuvidagi shaharlar turkumiga, qoida tariqasida, kamida 30 ming aholisi bo‘lgan, muhim ma’muriy ahamiyat kasb etadigan, istiqbolli iqtisodiy va madaniy markazlar deb hisoblanadigan shaharlar kiritilishi mumkin.
Ma’lumotlarga ko‘ra, Ohangaron shahrida 34,7 ming kishi ( 2003-yil ma’lumoti ), Yangiyo‘l shahrida esa 60,3 ming kishi ( 2005-yil ma’lumoti ) istiqomat qiladi. Shu vaqtgacha har ikkala shahar o‘z nomi bilan ataluvchi tumanlarning markazi edi.
Qayd etish joiz, Ohangaron va Yangiyo‘l shaharlari Oliy Majlis palatalarining 2010-yil noyabr va dekabr oylaridagi qarorlari bilan tuman bo‘ysunuvidagi shaharlar turkumiga o‘tkazilgan edi. O‘shanda ham mazkur taklif Vazirlar Mahkamasi tomonidan ilgari surilgan edi.
Prezidentning 20-iyuldagi qarori bilan, Toshkent viloyatida viloyat bo‘ysunuvidagi shaharlar soni yettitaga yetdi. Bungacha Angren, Bekobod, Olmaliq va Chirchiq shu turkumga kirgan bo‘lsa, Prezident qarori bilan, Ohangaron va Yangiyo‘ldan tashqari, viloyat ma’muriy markazi etib belgilangan To‘ytepa shahri ham viloyatga bo‘ysunuvchi shaharga aylandi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Yangiyo‘l va Ohangaron yana viloyat bo‘ysunuvidagi shaharlarga aylantiriladi. Yetti yil avval ular tuman bo‘ysunuviga o‘tkazilgan edi appeared first on Daryo .
Batafsil | Подробно | Read more... Daryo