Erdo‘g‘on Saudiya Arabistoni, Qatar va Kuvaytga tashrif buyuradi

Turkiya prezidenti Rajab Toyyib Erdo‘g‘on 23-iyul, yakshanba kuni Fors ko‘rfazidagi uchta mamlakat bo‘ylab turnega otlanadi, bular Saudiya Arabistoni, Qatar va Kuvayt, deb yozadi “TASS”.

Foto: EPA

U Saudiya Arabistoni qiroli Salmon bin Abdul Aziz Al Saud, Kuvayt amiri shayx Saboh al-Ahmad al-Jabir as-Saboh va Qatar amiri shayx Tamim bin Hamad al Taniy bilan muzokaralar olib borishi kutilmoqda.
Erdo‘g‘onning ikki kunlik safaridan bosh maqsad — Qatar atrofidagi inqirozga aloqador mamlakatlar o‘rtasida munosabatlarni yo‘lga qo‘yish.
5-iyun kuni Saudiya Arabistoni, BAA, Bahrayn va Misr Qatarni terrorizmni qo‘llab-quvvatlashda va ularning ichki ishlariga aralashishda ayblab, u bilan diplomatik aloqalarni uzganligini e’lon qilgan edi. Shundan keyin Qatarga nisbatan iqtisodiy sanksiyalar va transport qamali joriy qilindi. Qatar hukumati afsus bildirdi va chet ellik sheriklarining qarorlarini asossiz deb atadi.
Keyinroq Saudiya Arabistoni, BAA, Bahrayn va Misr 13 ta talabni ilgari surdi, ularni Doha rad etdi. 5-iyul kuni Qohirada “kvartet” tashqi ishlar vazirlari uchrashib, aloqalarni qayta tiklash uchun Qatar rahbariyati rioya qilishi kerak bo‘lgan oltita tamoyilni belgilab berdi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Erdo‘g‘on Saudiya Arabistoni, Qatar va Kuvaytga tashrif buyuradi appeared first on Daryo .
Batafsil | Подробно | Read more... Daryo