Suriyada vafot etgan rossiyalik harbiyning ota-onasi u bilan oxirgi suhbati haqida so‘zlab berdi

Suriyada vafot etgan birinchi rossiyalik harbiy xizmatchi, shartnoma asosidagi xizmatni o‘tagan Vadim Kostenkoning ota-onasi u bilan oxirgi suhbati haqida so‘zlab berdi. Bu haqda “Kommersant.ru” xabar beradi .

Foto: “Bigmir.net”

Askar ota-onasining so‘zlariga qaraganda, ular o‘g‘lining o‘z joniga qasd qilganligiga ishonmaydi. Oxirgi marta ular o‘g‘li bilan uning o‘limidan bir kun oldin gaplashgan.
Vadim Kostenkoning onasi har kuni bo‘lib o‘tadigan telefon orqali suhbatlar chog‘ida o‘g‘li juda xushchaqchaq bo‘lganligini ma’lum qildi. Aleksandr Kostenko uning o‘g‘li hech qachon qizni deb o‘z joniga qasd qilmasligini qo‘shimcha qildi.
Eslatib o‘tamiz, Rossiya Mudofaa vazirligi Suriyada harbiy xizmatchi halok bo‘lganini tasdiqladi . Kostenko harbiy-havo kuchlarida xizmat qilgan va samolyotlarga texnik xizmat ko‘rsatish bilan shug‘ullangan. Askarning SMS-xabarlarini o‘qib chiqqan harbiylar, Kostenko sevgan qizi bilan kelisha olmay qolgani sabab o‘z joniga qasd qilganini aniqlagan edi.
Batafsil | Подробно | Read more... Daryo