Samarqand ko‘chalarida shishadan zamonaviy avtobus bekatlari qurila boshladi

O‘zbekiston hukumati tomonidan tasdiqlangan, Samarqand shahrini qayta qurish va rekonstruksiya qilish bosh rejasiga muvofiq, ko‘plab ko‘chalarda shishadan zamonaviy avtobus bekatlari qurila boshladi, deb yozadi “Samarkandskiy vestnik”.

Foto: “Samarkandskiy vestnik”

“Universal shisha bekatning afzalligi shundaki, yo‘lovchi uning ichida turib, jamoat transporti harakatini to‘siqsiz kuzatish imkoniyatiga ega, — dedi Samarqand shahar bosh me’mori Shavkat Mamatov. — Bundan tashqari, bekatlar loyiha bo‘yicha, eshiklar va “qish-yoz” konditsionerlariga ega bo‘lishi kerak. Bu yo‘lovchilarni qishda sovuqdan, yozda issiqdan himoya qilish imkonini beradi”.
Uning so‘zlariga ko‘ra, ushbu bekatlar dunyoning rivojlangan mamlakatlari ilg‘or tajribalaridan kelib chiqib barpo etilmoqda. Bitta bekatning umumiy smeta qiymati 40—45 million so‘mni tashkil etadi. Ayni paytda bunday bekatlar asosan tadbirkorlar mablag‘lari hisobidan qurilmoqda, ular ushbu obyekt ichida o‘z savdo nuqtalarini, go‘zallik salonlarini va boshqa xizmat ko‘rsatish obyektlarini ochishni rejalashtirgan.
Bunday shisha bekatlar markaziy ko‘chalardan tashqari, viloyat travmatologiya kasalxonasi yonida, Spitamen shoh ko‘chasida, Navoiy ko‘chasida, Sattepo massivida hamda Farhod va Kimyogarlar shaharchalarida quriladi. Shuningdek, ular tez orada Ibn Sino, Dahbet va boshqa ko‘chalarda ham paydo bo‘ladi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Samarqand ko‘chalarida shishadan zamonaviy avtobus bekatlari qurila boshladi appeared first on Daryo .
Batafsil | Подробно | Read more... Daryo