Asian Championship U23. O‘zbekiston missiyani birinchi bo‘lib uddaladi. Eron esa chetda qoldi

2018-yilning yanvar oyida Xitoy 23 yoshgacha bo‘lgan futbolchilar o‘rtasidagi Osiyo chempionatiga mezbonlik qiladi.

Foto: O‘FF

Iyul oyining ikkinchi yarmida mazkur musobaqada ishtirok etishni istagan Osiyo mamlakatlari saralash turnirida qatnashdi. Jumladan, Ravshan Haydarov murabbiylik qilgan O‘zbekiston U23 termasi Amirliklarda bo‘lib o‘tgan saralashni 1-o‘rinda yakunlab, qit’a chempionatiga berilgan birinchi chipta sohibiga aylandi.
OFK ma’lumotiga ko‘ra, Asian Championship U23 da ishtirok etadigan barcha — 16 mamlakat nomiga oydinlik kiritildi. Bunda O‘zbekiston bilan raqobatlashgan BAA olimpiyachilari yo‘q. Ular eng yaxshi natija qayd etgan 5 ta 2-o‘rin egalari qatorida joy ola bilmadi. Agar O‘zbekistonga qarshi bellashuvda Javohir Siddiqovning 90-daqiqadagi goli bo‘lmaganida, katta ehtimol bilan BAA olimpiyachilariga qit’a chempionati yo‘llanmasi nasib qilishi mumkin edi.

Foto: Wikipedia

Shuningdek, Eron terma jamoasi ham saralashni sust o‘tkazib, musobaqadan chetda qoladigan bo‘ldi. Ilk o‘yinda Qirg‘iziston ustidan 2:1 hisobida zafar quchgan eronlik futbolchilar, 2-turda Ummondan yengilgandi — 0:2.
Quyida musobaqaning barcha — 16 ishtirokchisi keltirib o‘tilgan.
Asian Championship U23

Janubiy Koreya
Yaponiya
Avstraliya
O‘zbekiston
Saudiya Arabistoni
Qatar
Xitoy
Iordaniya
Suriya
Iroq
Tailand
KXDR
Ummon
Vyetnam
Falastin
Malayziya

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Asian Championship U23. O‘zbekiston missiyani birinchi bo‘lib uddaladi. Eron esa chetda qoldi appeared first on Daryo .
Batafsil | Подробно | Read more... Daryo