Plastik ixtiro qilinganidan buyon u qancha hajmda ishlab chiqarilgan?

Sayyoraning plastik chiqindilar bilan ifloslanishi — eng og‘ir ekologik muammolardan biri. Yaqinda olimlar plastik ixtiro qilinganidan buyon u qancha hajmda to‘plangani va buning qanchasi utilizatsiya qilinganini hisoblab chiqdi, deb yozadi National Geographic.

Foto: “Pixabay.com”

Santa-Barbaradagi Kaliforniya universiteti ekologlari ma’lumotlariga ko‘ra, plastikni ishlab chiqarish boshlangan XX asr o‘rtalaridan buyon sayyorada ushbu material 8,3 milliard tonnadan ortiq hajmda paydo bo‘lgan. Bu bir milliardta fil yoki 25 mingta Empire State Building binolari demakdir.
70 yil ichida ishlab chiqarilgan plastikning barchasini tekis qilib yoysak, bu “gilam” dunyoda kattaligi bo‘yicha 8-o‘rinda bo‘lgan Argentinani to‘liq qoplab oladi.
Shu bilan birga, ekologlarning urinishlariga qaramay, plastik ishlab chiqarish yildan-yilga o‘sib bormoqda: uning umumiy hajmining yarmiga yaqini so‘nggi 13 yil ichida paydo bo‘lgan. Eng yomoni esa, u deyarli utilizatsiya qilinmaydi: olimlar plastikning ko‘pi bilan 9 foizi qayta ishlanishini aniqladi. Plastik chiqindilarning yana 12 foizi yoqib yuboriladi, bu ham tabiatga zarar yetkazadi: zararli zarralar atmosferada o‘tirib qoladi. Plastikning qolgan qismi sayyora yuzasida — axlat poligonlarida va dunyo okeanida qolmoqda. Agar plastik axlat utilizatsiyasi oshirilmasa, 2050-yilga kelib, tabiatda ushbu zararli material hajmi 12 ming tonnadan ortib ketadi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Plastik ixtiro qilinganidan buyon u qancha hajmda ishlab chiqarilgan? appeared first on Daryo .
Batafsil | Подробно | Read more... Daryo