Eron hukumati mamlakat pul birligini o‘zgartirish borasidagi loyihani tasdiqladi

Eron hukumati amaldagi pul birligi — rialdan yangi — tuman pul birligiga o‘tishga ruxsat berdi. Bu haqda IRNA agentligi mamlakat vazirlar mahkamasining kotibiga asoslanib ma’lum qildi, deb xabar berdi “TASS”.

Foto: “Report.az”

“Joriy qaror naqd to‘lovlarni soddalashtirishga qaratilgan. Bir tuman 10 rialga teng bo‘ladi, shunday ekan narxlarni aks ettiruvchi raqamlar bitta nolga kamayadi”, — dedi Muhsin Hoji Mirzayi.
Uning so‘zlariga ko‘ra, yangi pul birligiga o‘tish hukumatning iqtisodiy komissiyasi tomonidan so‘nggi yarim yil davomida ko‘rib chiqilgan. Tuman Forsiyada (Eronning avvalgi nomi) 1932-yilga qadar amalda bo‘lgan va rialga almashtirilgan.
Bunga qadar tuman Eronda norasmiy pul birligi hisoblangan. Markaziy bankning banknotalarida va do‘konlardagi narxlarda rial amalda bo‘lgan, biroq eronliklar har kunlik muloqotlarida “tuman” so‘zidan foydalangan, bu esa chalkashliklarni keltirib chiqargan.
So‘nggi yildagi inflyatsiya sabab rialning qadri sezilarli darajada pasaydi. Ayni vaqtda bir AQSh dollari 39 ming rialga teng, endilikda u 3,9 ming tumanga teng bo‘ladi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Eron hukumati mamlakat pul birligini o‘zgartirish borasidagi loyihani tasdiqladi appeared first on Daryo .
Batafsil | Подробно | Read more... Daryo