Almazbek Atambayev: Men Asqar Akayevni hech qachon kechirmayman

Qirg‘iziston prezidenti Almazbek Atambayev jiddiy jinoyatlar sodir etganlikda ayblanayotgan sobiq prezident Qurmanbek Bakiyev va uning qarindoshlariga nisbatan amnistiya qo‘llanilishiga qarshi ekanligini ma’lum qildi, deb xabar berdi “Interfaks”.

Foto: “TASS”

“Janish Bakiyevga nisbatan amnistiya (sobiq prezidentning kichik ukasi, uning qo‘riqchilari boshlig‘i)? U qancha odamlarni o‘ldirdi, qiynoqlarga soldi, Qurmanbek Bakiyev ham qanchadan qancha pullarni o‘mardi”, — dedi Atambayev matbuot anjumanida.
Atambayevning qo‘shimcha qilishicha, “undan Akayevni ham kechirish borasida so‘rashmoqda”. “Bizning “Kumtor” loyihasidagi ulushimiz 67 foizni tashkil etgan edi, biroq keyin 16 foizga tushib ketdi. Buning uchun men Akayevni hech qachon kechirmayman, u o‘z oilasining halovati uchun 100 tonna oltinni shundayligicha berib yubordi. Bizning neftimiz ham, gazimiz ham yo‘q edi, ammo oltinimiz bor edi”, — dedi Atambayev.
Shuningdek, Atambayev Qirg‘izistonda “Maksim Bakiyevni jazolash imkoniyati paydo bo‘lgani”ni ma’lum qildi. “Men barcha sirlarni ocha olmayman, biroq biz masalani hal qilishni ba’zi yechimlarini topdik. O‘ylashimcha, Bakiyev Buyuk Britaniyada bo‘lsa ham jazosini oladi”, — dedi prezident.
Qirg‘iziston sobiq prezidentlari Akayev hamda Bakiyev 2005-yilning mart va 2010-yilning aprel oyida sodir bo‘lgan inqiloblardan so‘ng mamlakatni tark etishgan. Akayev oilasi bilan Moskvada, Bakiyev esa Minskda yashamoqda. Belorus respublikasi sobiq prezident va uning qarindoshlarini Bishkekka topshirishdan bir necha bor bosh tortgan. Bakiyevning kichik o‘g‘li Maksim iqtisodiyot sohasidagi jinoyatlari uchun sudlangan, biroq Buyuk Britaniya ham uni Qirg‘izistonga topshirishni istamayapti.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Almazbek Atambayev: Men Asqar Akayevni hech qachon kechirmayman appeared first on Daryo .
Batafsil | Подробно | Read more... Daryo