Iordaniya o‘z bazasida amerikalik uch nafar harbiy otib tashlangan kadrlarni e’lon qildi

Iordaniya mudofaa vazirligi 2016-yilning noyabr oyida al-Jafar aviabazasining nazorat-o‘tkazish postida yuz bergan otishma aks etgan videoni e’lon qildi. Bu haqda “RBK“ xabar berdi .
O‘shanda iordaniyalik harbiy boshlagan otishma oqibatida amerikalik uch nafar harbiy halok bo‘lgan edi .
Hodisa 2016-yil 4-noyabrda yuz bergan. O‘shanda iordaniyalik harbiy xizmatchi AQSh harbiylari bo‘lgan avtomobil aviabaza hududiga kirishga uringanda o‘t ochgani haqida xabar berilgan. Berilgan xabarga ko‘ra, amerikalik harbiylar bo‘lgan avtomobil qo‘riqchilar tomonidan to‘xtash haqida berilgan buyruqqa bo‘ysunmagan.



Videoyozuvda iordaniyalik harbiy xizmatchi to‘rtta harbiy avtomobilni o‘tkazib yuborish uchun shlagbaumni ochganini ko‘rish mumkin. Barcha avtomobillar harbiyning yonidan o‘tib, nazorat-o‘tkazish posti hududiga kirib bo‘lganidan so‘ng u mashinadagi odamlarga qarata o‘t ocha boshlagan. Video izohida aytilishicha, ikki amerikalik harbiy boshqa ikki AQSh harbiysi mashinadan tushib javob o‘qi uzganidan keyin halok bo‘lgan.
Kadrlar birinchi bo‘lib o‘q uzgan iordaniyalik harbiy xizmatchi tomonidan berilgan xabarni rad etmoqda. Harbiy xizmatchi amerikaliklar tomonidan o‘q ovozini eshitganini va bazaga hujum bo‘layotgan deb o‘ylab, javobi o‘qi uzganini aytgan. Videoda amerikalik harbiy xizmatchilarning avtomobillari qoidaga ko‘ra nazorat-o‘tkazish postining darvozasi oldida to‘xtagani aks etgan.
Iordaniya harbiy idorasi tekshiruv o‘tkazdi va amerikalik harbiy xizmatchilar birinchi bo‘lib emas, balki hujumga javob sifatida o‘q uzganini aniqladi. Harbiy sud iordaniyalik harbiy bazaga kirishni tartibga soluvchi buyruq va qoidalarni buzganini, shuningdek o‘ziga nisbatan hech qanday tahdid bo‘lmaganini va amerikalik harbiylarga qarshi kuch ishlatish uchun buyruq olmaganini tasdiqladi.
Iordaniya mudofaa vazirligi axborotida harbiy xizmatchi, amerikalik harbiylar bazaga kirishni tartibga soluvchi barcha qoidalarni bajarganiga qaramasdan, o‘q uzgani aytilgan.
Iordaniya harbiy sudi 17-iyulda harbiy xizmatchini qotillikda, shuningdek, “qurolli kuchlar obro‘sini poymol qilish va harbiy buyruqlarni buzish”da aybdor deb topdi. U umrbod qamoq jazosiga hukm qilindi .
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Iordaniya o‘z bazasida amerikalik uch nafar harbiy otib tashlangan kadrlarni e’lon qildi appeared first on Daryo .
Batafsil | Подробно | Read more... Daryo