Yuridik universitetda telefon, lug‘at va boshqa vositalarni olib kirishga uringan barcha abituriyentlar 1-avgust imtihonlaridan chetlatiladi

Toshkent davlat yuridik universiteti (TDYU)da bo‘lib o‘tadigan 2017-yilgi kirish imtihonlarida adolatni ta’minlash maqsadida bir qator yangiliklar amalga oshiriladi. Bu haqida universitet qabul komissiyasi “Daryo”ga ma’lum qildi.

Foto: “TSUL.uz”

Jumladan, test sinovlari o‘tkaziladigan binoga kirishda abituriyent mikrokalkulyator, lug‘at, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilgani nazoratchilar tomonidan aniqlansa, abituriyentga dalolatnoma tuzilib, u test jarayonidan chetlashtiriladi.
Aslida ushbu qoida yangilik emas. Vazirlar Mahkamasining 20-iyundagi qarori bilan tasdiqlangan “Oliy ta’lim muassasalarining bakalavriatiga talabalarni o‘qishga qabul qilish tartibi to‘g‘risidagi nizom”da ham, undan oldin amalda bo‘lgan nizomlarda ham mazkur qoida belgilab qo‘yilgan edi.
“Biroq ushbu qoidaga doim ham qat’iy amal qilinmas, abituriyentlarning mazkur nojo‘ya xatti-harakati aksariyat hollarda kechirilardi”, — deydi universitet qabul komissiyasi vakili.
2017-yildan boshlab esa mazkur qoidaga qat’iy amal qilinadi. Test sinovlari o‘tkaziladigan binoga qo‘shimcha vositalarni olib kirishga uringan abituriyent aniqlangani zahoti imtihonlarga kirmasidan chetlatiladi.
Qabul komissiyasi bergan ma’lumotlarga ko‘ra, barcha abituriyentlar nomiga maxsus ogohlantirish xatlari tayyorlangan va DTM varaqasini olishga kelgan har bir abituriyent yana bir bor bu haqida ogohlantiriladi.
Ma’lumot uchun, bu yil TDYU jami 600 nafar talaba qabul qiladi. 15 iyundan 15 iyulga qadar davom etgan qabul jarayonida o‘zbek guruhiga 5 178 nafar, rus guruhiga esa 954 nafar abituriyent hujjat topshirgan.
O‘tgan yilgi bilan taqqoslaganda, universitetda o‘qish uchun hujjat topshirgan abituriyentlar soni 1 736 nafarga (39,5 foizga) oshgan.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Yuridik universitetda telefon, lug‘at va boshqa vositalarni olib kirishga uringan barcha abituriyentlar 1-avgust imtihonlaridan chetlatiladi appeared first on Daryo .
Batafsil | Подробно | Read more... Daryo