O‘zbekistondan Rossiyaga mehnat muhojirlarini uyushgan holda jo‘natish boshlandi

Bandlik va mehnat munosabatlari vaziri Aziz Abduhakimov 26-iyul, chorshanba kuni Rossiyaga ishlash uchun jo‘nab ketayotgan O‘zbekiston fuqarolari bilan uchrashdi. Bu haqda vazirlik matbuot xizmati ma’lum qildi, deya xabar beradi “Gazeta.uz”.

Foto: Bandlik va mehnat munosabatlari vazirligi

O‘zbekiston prezidentining Rossiyaga davlat tashrifi davomida ikki mamlakat o‘rtasida O‘zbekiston fuqarolarining Rossiyada vaqtincha mehnat faoliyatini yuritish uchun uyushgan tanlovini o‘tkazish to‘g‘risida kelishuv imzolangandi. 
Vazirlikka ko‘ra, O‘zbekiston mehnat muhojirlari muammolariga munosabatni tubdan o‘zgartirmoqda va ular O‘zbekiston iqtisodiyoti hamda o‘zlari ishlayotgan mamlakat rivojiga qo‘shayotgan hissasini e’tirof etadi. O‘zbekiston hukumati kelgusida ham ularning huquq va manfaatlarini himoya qilish maqsadida. 
Rossiyadagi ish beruvchilar tomonidan taklif etilgan turli mutaxassisliklar, jumladan, haydovchilar, quruvchilar, tokarlar, tikuvchilar va boshqa kasb egalarini uyushgan holatda tanlab olish boshlandi. 
Tashqi mehnat migratsiyasi masalalari agentligi Rossiyadagi korxona va tashkilotlar bilan mehnat muhojirlari muammolarini tezkorlik bilan hal etish, faoliyatlarini legallashtirish, huquq va manfaatlarini himoya qilish borasida muzokaralar olib bormoqda.
Agentlikning Rossiya va Janubiy Koreyada vakolatxonalarini ochish masalasi ko‘rib chiqilmoqda. Samarqand va Farg‘onada mehnat muhojirlariga ko‘mak bo‘yicha hamkorlikdagi markazlar ochiladi. 
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistondan Rossiyaga mehnat muhojirlarini uyushgan holda jo‘natish boshlandi appeared first on Daryo .
Batafsil | Подробно | Read more... Daryo