Farg‘onada sevgisi uchun bosqinchilik jinoyatini o‘ylab topgan yigitga nisbatan jinoiy ish ochildi

Farg‘ona viloyati IIB tomonidan xabar qilinishicha, Uchko‘prik tumanida yashovchi I.T 2017-yil 23-iyulda tuman IIBga ariza bilan murojaat qilgan. Uning arizasiga ko‘ra, 22-iyuldan 23-iyulga o‘tar kechasi, soat 05:30 da uning xonadoniga uch nafar yuziga qora niqob kiyib olgan noma’lum shaxs devor oshish yo‘li bilan kirgan.
Arizada ma’lum qilinishicha, niqobli shaxslar uyning birinchi qavatidagi xonada yashovchi turmush o‘rtog‘ining jiyani Q.X.ning oyog‘ini bog‘lab, undan xonadon egasining pullari qayerda turishini so‘rab, unga do‘q-po‘pisa qilgan. Shundan so‘ng ular hovlida turgan Captiva avtomashinasi salonida bo‘lgan 100 000 so‘m pullarni olib, orqa eshik orqali noma’lum tomonga qochib ketgan.
IIB xodimlarining olib borgan tezkor surishtiruv ishlar natijasida ushbu bosqinchilik jinoyat aslida bo‘lmaganligi, Q.X. yolg‘on guvohlik bergani aniqlandi.
Q.X. jinoyat natijasida yetkazilgan moddiy zarar hisoblangan 100 000 so‘m miqdordagi pullarni 2017-yil 22-iyul, soat taxminan 04:00 da Captiva’dan o‘zi yashirincha olib, shu kuni bozorda savdo qilayotgan onasi A.M.ning savdo do‘koni kassasidagi pullar orasiga jinoyat natijasida topilgan mulk ekanligini yashirgan holda qo‘shib yuborgan.
Aniqlanishicha, Q.X. bosqinchilik jinoyati sodir etilgani to‘g‘risidagi gaplarni mazkur xonadonda yashovchi sevgan qizi N.T.ga sovchilar kelishining oldini olish maqsadida o‘ylab topgan.
Q.X. O‘zbekiston Respublikasi Jinoyat Kodeksining 169-moddasi bilan gumonlanuvchi sifatida tergov jarayoniga jalb etilgan. Hoziegi vaqtda dastlabki tergov harakatlari davom etmoqda.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Farg‘onada sevgisi uchun bosqinchilik jinoyatini o‘ylab topgan yigitga nisbatan jinoiy ish ochildi appeared first on Daryo .
Batafsil | Подробно | Read more... Daryo