“Soyuz-FG” tashuvchi raketasining yorqin izi O‘zbekistonda ham ko‘zga tashlandi (foto)

Toshkent shahri hamda boshqa shaharlar aholisi 28-iyul kuni soat 21:00 larda Qozog‘istonning Boyqo‘ng‘ir kosmodromidan uchirilgan “Soyuz-FG” tashuvchi raketasining osmondagi yorqin izini ko‘rishga muvaffaq bo‘ldi. Bu haqda O‘zbekiston Fanlar akademiyasining Astronomiya institutiga asoslanib “Gazeta.uz” xabar berdi .

Foto: “Roskosmos”

“Bu Xalqaro kosmik stansiyaga yangi ekspeditsiya bilan yo‘l olgan Rossiyaning boshqariladigan “Soyuz MS-05” kosmik kemasidir. Bu kabi yog‘du odatda tashuvchi raketaning ikkinchi pog‘onasi ajralishi bilan bog‘liq”, — deya ta’kidladi institutdagilar.

Foto: Facebook

Yorug‘lik dvigatelning ikkinchi va uchinchi pog‘onasidan ajralib chiqayotgan issiq, ko‘zga ko‘rinmas vodorod-kislorodli alanga sabab paydo bo‘ladi.

Foto: “Roskosmos”

“Roskosmos”ning ma’lumotlariga ko‘ra, 28-iyul soat 20:41 da (Toshkent vaqti bilan) Boyqo‘ng‘ir kosmodromidan boshqariladigan “Soyuz MS-05” kemasi bilan “Soyuz-FG” tashuvchi raketasi uchirilgan. Uning bortida rossiyalik Sergey Ryazanskiy, amerikalik Redolf Breznik hamda italiyalik Paolo Nespoli bo‘lgan.
Hozirda ekipaj Xalqaro kosmik stansiyaga yetib borgan. Kosmonavtlar stansiyada 139 kun bo‘lishi rejalashtirilmoqda.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “Soyuz-FG” tashuvchi raketasining yorqin izi O‘zbekistonda ham ko‘zga tashlandi (foto) appeared first on Daryo .
Batafsil | Подробно | Read more... Daryo