Xo‘jaylida “Muruvvat” ayollar internati uchun yangi bino qad rostlamoqda

O‘zbekiston Prezidenti Shavkat Mirziyoyev Qoraqalpog‘iston Respublikasiga tashrifi davomida Xo‘jayli tumanidagi “Muruvvat” ayollar internatida ham bo‘lib, muassasa faoliyati bilan tanishgan, bu yerdagi shart-sharoitlarni yanada yaxshilash bo‘yicha ko‘rsatma va tavsiyalar bergan edi. Bu haqda O‘zA xabar berdi.

Foto: O‘zA

— Foydalanayotgan hozirgi bino umumiy toifadagi nogironlarga mo‘ljallangan bo‘lib, 1989-yilda qurilgan va bugungi kunda ta’mirtalab bo‘lib qolgan edi, — deydi “Muruvvat” ayollar internati direktori Lidiya Kim. — Bu yerda asosan psixonevrologiya xastaligiga chalingan bemorlar davolanadi. Ularning aksariyati nogironlar aravachasida harakatlanadi. Bino yo‘laklarining juda torligi nogironlar aravachasi yurishi uchun noqulayliklar tug‘dirar edi.
Davlat rahbari ko‘rsatmalari asosida “Muruvvat” uyi uchun Nukus shahri hududida alohida yer uchastkasi ajratilib, fevral oyida qurilish ishlari boshlab yuborildi. Ikki qavatli zamonaviy imorat qurilishini olib borayotgan bosh pudratchi “Investstroy Nukus” mas’uliyati cheklangan jamiyati tomonidan hozirga qadar 14 milliard so‘mlik bunyodkorlik ishlari amalga oshirildi. Obyektni noyabr oyida foydalanishga topshirish mo‘ljallanmoqda.
Qurilish ashyolari asosan mahalliy korxonalar – Xo‘jayli, Xalqobod, Nukus g‘isht zavodlaridan, temir-beton buyumlari “Yevro beton” hamda “Stroy vektor” mas’uliyati cheklangan jamiyatlari, shuningdek, O‘zbekiston metallurgiya kombinatidan keltirilmoqda. Jadal sur’atlarda olib borilayotgan qurilish ishlarida 160 dan ziyod ishchi va 20 ga yaqin texnika ishtirok etmoqda. 250 o‘ringa mo‘ljallangan zamonaviy binoda yotoqxona, davolash bo‘limi, oshxona, sport maydonchasi bo‘lib, davolanuvchilar uchun barcha qulayliklar yaratilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Xo‘jaylida “Muruvvat” ayollar internati uchun yangi bino qad rostlamoqda appeared first on Daryo .
Batafsil | Подробно | Read more... Daryo