“El-Klasiko”da zafar quchgan “Barselona” turnirda 100 foizlik natija qayd etdi

Chempionlar xalqaro kubogi AQSh turnesi doirasida Ispaniyaning ikki grandi — “Real” hamda “Barselona”ni o‘zaro to‘qnashtirdi.

Foto: Getty Images

Bellashuv kataloniyalik futbolchilarning 3:2 hisobidagi g‘alabasi bilan yakuniga yetdi. Ular 10-daqiqaga qadar 2 ta gol farqi bilan oldinga chiqib olgan bo‘lsa, madridliklar 1-bo‘limning o‘zidayoq muvozanatni tiklashga muvaffaq bo‘lgandi. 2-taymga kelib esa “realchilar”ning eng “suygan” futbolchi Pike yakuniy hisobni o‘rnatdi.

“Barselona” Chempionlar xalqaro kubogida 100 foizlik natija qayd etdi. Bunga qadar klub “Manchester Yunayted”ni 1:0, “Yuventus”ni 2:1 hisobida taslim qilgandi. “Real” esa Manchester shahrining ikki klubidan ham yengildi — “Yunayted” 0:2, “Siti” 1:4.

Dastlabki ikki bellashuvdagi “Barselona”ning jami 3 ta goliga mualliflik qilgan Neymar, “Real”ga qarshi o‘yinda muvaffaqiyat qozonmadi. Shunga qaramay, Rakitich hamda Pikening gollariga assistentlik qildi.
Chempionlar xalqaro kubogi
Mayami, AQSh
30-iyul, yakshanba
“Barselona” — “Real Madrid” 3:2
Gollar: Lionel Messi, 3 (1:0). Ivan Rakitich, 7 (2:0). Mateo Kovachich, 14 (2:1). Marko Asensio, 36 (2:2). Herard Pike, 50 (3:2).



“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post “El-Klasiko”da zafar quchgan “Barselona” turnirda 100 foizlik natija qayd etdi appeared first on Daryo .
Batafsil | Подробно | Read more... Daryo