O‘zbekiston klublaridan biri “Blekbern” tarbiyalanuvchisi bilan shartnoma tuzish arafasida turibdi

Avstraliyalik futbolchi Rostin Griffits O‘zbekiston Oliy ligasiga ko‘chib o‘tish arafasida turibdi. Bu haqda “Championat.asia” nashri ma’lumot berdi .

Foto: Google Images

Bunda xabar Avstraliyaning Daily football show nashriga asoslanib yozilgan. Griffits O‘zbekistonning aynan qaysi klubiga tashrif buyurayotgani borasida aniq ma’lumot berilmagan.
“Pert Glori” klubi sharafini himoya qilayotgan futbolchi jamoasi bilan kelishuvni bekor qilgan. 29 yoshli futbolchining o‘rniga “Pert Glori” yangi nomzod izlashni ham boshlab yuborgan.
Rostin Griffits 1988-yilning 10-mart kuni Angliyada tavallud topgan. Tayanch yarim himoyada to‘p suradigan futbolchi “Blekbern” tarbiyalanuvchisi hisoblanadi. U 3 yil davomida shu klub safida o‘ynagan, biroq Premyer-ligada to‘p surish nasib qilmagan. Keyinroq “Akkrington Stenli”, “Adelaida Yunayted”, “Nort Kuinsland Fyuri”, “Sentral Kost Mariners”, “Guanchjou R-F”, “Roda” kabi klublar sharafini himoya qilgan.
Futbolchi Angliyada tug‘ilganiga qaramay, ayni vaqtda Avstraliya fuqarosi hisoblanadi. Demak, OFK va PFLning 3+1 legioner futbolchilar limitida osiyolik sifatida to‘p surishi mumkin.
Ma’lumot uchun, Toshkentning “Paxtakor” klubi 3 xorijlik futbolchi bilan shartnoma tuzgan. Biroq ular orasida osiyolik futbolchi yo‘q.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekiston klublaridan biri “Blekbern” tarbiyalanuvchisi bilan shartnoma tuzish arafasida turibdi appeared first on Daryo .
Batafsil | Подробно | Read more... Daryo