Toshkentda “Hizb-ut Tahrir” tashkiloti a’zolari faoliyatining oldi olindi

2015-yil 29-oktabr kuni Toshkent shahrida taqiqlangan “Hizb-ut Tahrir” diniy-ekstremistik tashkiloti jinoiy faoliyatining oldi olindi, deya xabar bermoqda O‘zbekiston Respublikasi Ichki ishlar vazirligi matbuot xizmati.

Foto: Ichki ishlar vazirligi matbuot xizmati

Ushbu tashkilotning jami 16 nafar ashaddiy tarafdorlari qo‘lga olindi, ular Toshkent shahri va viloyati aholisi o‘rtasida “Hizb-ut Tahrir” mafkurasini yoyish bilan shug‘ullangan.
Vazirlik ma’lumotlariga ko‘ra, hibsga olinganlarning bir qismi “Hizb-ut Tahrir” mafkurasi ta’siriga respublika tashqarisida uchragan va vataniga qaytgach, o‘z rafiqalari va voyaga yetmagan farzandlariga ekstremistik mafkurani singdira boshlagan.
Hibsga olinganlarning yashash joylaridan katta miqdordagi ekstremistik adabiyotlar musodara qilindi. Ayni paytda IIV Bosh tergov boshqarmasi tomonidan dastlabki tergov olib borilmoqda.
Batafsil | Подробно | Read more... Daryo