Gamper Kubogi. “Barselona” Superkubok oldidan “Shapekoense” darvozasiga 5 ta gol urdi

Ispaniya Superkubogining “Real”ga qarshi ikki o‘yiniga tayyorgarlik ko‘rayotgan Kataloniyaning “Barselona” klubi Gamper Kubogida zafar quchdi.

Foto: Bleacher Report

2016-yilning 28-noyabr kuni Braziliyaning “Shapekense” klubi Kolumbiyaga parvozi chog‘ida halokatga uchrab, uning bir qator futbolchilari olamdan o‘tgandi. O‘shandayoq “Barselona” har yili o‘tkaziladigan Gamper Kubogining 2017-yildagisiga “Shapekoense”ni taklif qilishga qaror qilgandi.
Va’daga muvofiq “Kamp Nou” arenasiga Braziliya jamoasi olib kelindi. O‘zaro o‘yinda ispan grandi raqibiga hech qanday imkoniyat qoldirmay, 5:0 hisobida zafar quchdi.
Gamper Kubogi
“Kamp Nou”, Barselona
7-avgust, dushanba
“Barselona” — “Shapekoense” 5:0
Gollar: Herard Deulofeu, 6 (1:0). Serxio Buskets, 11 (2:0). Lionel Messi, 28 (3:0). Luis Suares, 54 (4:0). Denis Suares, 74 (5:0).




Joan Gapmer
1877-yilning 22-noyabr kuni Shveysariyaning Vintertur shahrida tug‘ilgan sportchi Joan Gamper “Barselona” klubi asoschisi hisoblanadi. U shu klubda to‘p surdi, jamoa prezidentiga aylandi. 1966-yildan buyon Kataloniya klubi o‘zining asosichisi Joan Gamper sharafiga musobaqa tashkil qiladi. 1966—1996-yilgacha ushbu musobaqa 4 jamoa ishtirok etardi, deb yozdi “Championat.asia”. 1997-yildan unda faqatgina 2 klub qatnashishi belgilab qo‘yildi.

Foto: Wikipedia

Hozirgacha Gamper Kubogida “Barselona” 39 marta zafar quchgan. Germaniyaning “Kyoln” klubi ushbu turnirni 2 marta yutdi. “Uypesht”, “Borussiya Myonxengladbax”, “Internasyonal”, “Portu”, “Mexelen”, “Tenerife”, “Valensiya”, “Yuventus”, “Manchester Siti” va “Sampdoriya” Gamer Kubogida bir martadan g‘olib chiqqan.

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Gamper Kubogi. “Barselona” Superkubok oldidan “Shapekoense” darvozasiga 5 ta gol urdi appeared first on Daryo .
Batafsil | Подробно | Read more... Daryo