Argentinada Niderlaniya qirolichasining otasi vafot etdi

Niderlandiya qirolichasi Maksimaning otasi Xorxe Sorregiyeta 89 yoshida Buenos-Ayresda vafot etdi, deb yozadi “TASS” u davolangan tibbiy muassasaga tayanib.

Qirolicha Maksima. Foto: Shutterstock

Bayonotga ko‘ra, uning o‘limiga o‘pka infeksiyasini keltirib chiqargan limfoma sababchi bo‘lgan.
Ba’zi OAVlar xabariga ko‘ra, qirolicha Maksima otasining salomatligi yomonlashgani tufayli, 5-avgust, shanba kuni Buenos-Ayresga yetib kelgan, 8-avgust, seshanba kuni haliyam shaharda bo‘lgan. Ammo boshqa OAVlar u 6-avgust, yakshanba kuni Niderlandiyaga qaytib ketganini aytmoqda.
Argentinada diktatura hukm surgan yillarda Sorregiyeta qishloq xo‘jaligi, chorvachilik va baliqchilik vaziri o‘rinbosari (1979—1981-yillar) bo‘lgan. Demokratiya qayta tiklangach, u tadbirkorlik faoliyati bilan shug‘ullangan.
Niderlandiya qirolichasi Maksima 1971-yilda Buenos-Ayresda asli italiyalik va ispaniyaliklar oilasida tug‘ilgan. Iqtisodiyot sohasida o‘qib, AQSh va Yevropadagi yirik banklarda ishlagan. O‘sha paytda Niderlandiya shahzodasi bo‘lgan Villem-Aleksandr bilan u 1999-yilda Ispaniyadagi yopiq ziyofatda tanishgan. 2002-yilda ular turmush qurgan.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Argentinada Niderlaniya qirolichasining otasi vafot etdi appeared first on Daryo .
Batafsil | Подробно | Read more... Daryo