O‘zbekistondagi 15 ta oliy ta’lim muassasasida pedagogika yo‘nalishida sirtqi bo‘limlar ochiladi

O‘zbekiston Respublikasi Prezidenti Shavkat Mirziyoyev 2017-yil 9-avgustda “Oliy ta’lim muassasalarida pedagogika yo‘nalishida maxsus sirtqi bo‘limlarni tashkil etish to‘g‘risida”gi qarorni imzoladi, deya ma’lum qildi Prezidentning rasmiy veb-sayti.

Foto: Uz24

Pedagogika yo‘nalishlari bo‘yicha maxsus sirtqi bo‘limlar tashkil etiladigan oliy ta’lim muassasalari ro‘yxati ilovaga muvofiq tasdiqlandi. O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasiga ushbu ro‘yxatga o‘zgartirish va qo‘shimchalar kiritish huquqi berildi.
Pedagogika yo‘nalishlari bo‘yicha maxsus sirtqi bo‘limlar tashkil etiladigan oliy ta’lim muassasalarida ikkinchi va undan keyingi oliy ma’lumot berish sirtqi ta’lim shaklida tashkil etiladi, bunda ikkinchi va undan keyingi oliy ma’lumot olish bakalavriat ta’lim yo‘nalishining
2-kursidan (o‘quv rejalardagi fanlar farqidan qat’i nazar) kamida 3 yil muddat etib belgilanadi.
2017/2018-o‘quv yili uchun maxsus sirtqi va sirtqi ta’limlarda o‘quv jarayoni istisno tariqasida joriy yilning 1-oktabridan boshlanishi belgilab qo‘yildi.
Pedagogika yo‘nalishlari bo‘yicha maxsus sirtqi bo‘limlar tashkil etiladigan oliy ta’lim muassasalari ro‘yxati:

Nizomiy nomidagi Toshkent davlat pedagogika universiteti;
Andijon davlat universiteti;
Buxoro davlat universiteti;
Guliston davlat universiteti;
Qarshi davlat universiteti;
Namangan davlat universiteti;
Samarqand davlat universiteti;
Termiz davlat universiteti;
Urganch davlat universiteti;
Farg‘ona davlat universiteti;
Jizzax davlat pedagogika instituti;
Navoiy davlat pedagogika instituti;
Nukus davlat pedagogika instituti;
Qo‘qon davlat pedagogika instituti;
Toshkent viloyati Chirchiq davlat pedagogika instituti.

“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zbekistondagi 15 ta oliy ta’lim muassasasida pedagogika yo‘nalishida sirtqi bo‘limlar ochiladi appeared first on Daryo .
Batafsil | Подробно | Read more... Daryo