BMT: dunyodagi 60 millionga yaqin kishi turli vaziyatlar tufayli ko‘chishga majbur bo‘lgan

Bugungi kunda dunyodagi 60 millionga yaqin kishi turli xil favqulodda vaziyatlar tufayli o‘zining doimiy turar-joyini tark etishga majbur bo‘lgan. Bu haqda “RIA Novosti” BMTning Kavkaz, Markaziy Osiyo va Ukrainadagi gumanitar masalalarni muvofiqlashtirish bo‘yicha hududiy ofis rahbari Marsel Vassen ma’lumotiga tayanib xabar beradi .

Foto: “RIA Novosti”

“Men ko‘rsatishni istagan ba’zi raqamlar mavjud. 100 million – bu hozirgi paytda dunyo bo‘yicha turli mojaroli vaziyatlar va tabiiy ofatlar natijasida qiyin ahvolda bo‘lgan kishilar sonidir. Shulardan 60 millioni ko‘chishga majbur bo‘lgan aholidir”, — dedi Vassen.
“Hozir biz bunday vaziyatlarni turli joylarda, jumladan, Suriya yoki aholisining bir qismi Rossiyaga ko‘chib o‘tishga majbur bo‘lgan Ukraina sharqida kuzatishimiz mumkin. Sudan, Iroq, Yaman va yana ko‘plab mamlakatlarning aholisi o‘z uylarida yashamaydi”, — dedi BMT vakili.
Batafsil | Подробно | Read more... Daryo