Tramp nima sababdan amerikalik diplomatlarning qisqartirilgani uchun Putinga minnatdorchilik bildirganiga tushuntirish berildi

AQSh prezidenti Donald Tramp Vladimir Putinni Amerikaning Rossiyadagi elchixonasi xodimlarini qisqartirish haqidagi talabi uchun minnatdorchilik bildirganida, aslida kinoya qilgan. Bu haqda CBS muxbiri Margaret Brennan Oq uy vakiliga asoslanib o‘zining Twitter’dagi sahifasiga yozgan, deb xabar berdi “RIA Novosti”.

Foto: AP

“Oq uy vakilining aytishicha, Tramp Putinni Rossiyadagi Amerika elchixonasi xodimlarini qisqartirgani uchun minnatdorchilik bildirganida, aslida kinoya qilgan”, — deb yozadi jurnalist.
10-avgust, payshanba kuni Tramp Putinga Rossiyadagi elchixonasi xodimlarini qisqartirgani, bu esa sarf-xarajatlarni kamayishiga olib kelishi uchun minnatdorchilik bildirgandi .
OAV ma’lumotlariga ko‘ra, Oq uy rahbarining gap-so‘zlarini Amerikaning xorijda ishlaydigan diplomatlaridan biri “g‘azabni qo‘zg‘ovchi” deya atagan. Davlat departamentining yana bir xodimi esa AQSh prezidentining gapidan ko‘pchilikni tushkunlikka tushirganini ma’lum qilgan. “Barcha hayratda. Ushbu bayonot juda sodda va uzoqni ko‘rmasdan berilgan. Bu bizning joylardagi barcha xodimlarimizga daxshatli signal”, — deya ta’kidladi diplomat.
Eslatib o‘tamiz, Rossiya prezidenti Vladimir Putin AQShga qarshi yangi choralar doirasida 755 nafar amerikalik diplomat Rossiyadan chiqarib yuborilishi haqida qaror qabul qilgan edi.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Tramp nima sababdan amerikalik diplomatlarning qisqartirilgani uchun Putinga minnatdorchilik bildirganiga tushuntirish berildi appeared first on Daryo .
Batafsil | Подробно | Read more... Daryo