Argentina Maduroni ordenidan mahrum qildi

Argentina hukumati Venesuela prezidenti Nikolas Maduroni respublikaning oliy davlat unvoni Ozod qiluvchi San-Martin ordenidan mahrum qilish haqida qaror qabul qildi. Tegishli farmon 11-avgust, juma kuni Argentina Respublikasining rasmiy bulletinida e’lon qilindi, deb yozmoqda “TASS”.

Foto: Infobae

Hujjatga ko‘ra, respublika rasmiylari Venesuela prezidenti Nikolas Maduro Morosni orden sharafiga mos kelmaydigan xatti-harakatlari uchun Ozod qiluvchi San-Martin ordenidan foydalanish huquqidan mahrum qildi.
Xususan, Argentina hukumati Maduroni namoyishchilarga bosim o‘tkazish va muxolifatchilarni sudga jalb qilish uchun harbiy resurslardan va suddan asossiz foydalanishda aybladi.
Mazkur orden 1943-yilda Argentina milliy qahramoni general Xose de San-Martin sharafiga ta’sis etilgan. Farmonda qayd etilganidek, unvon “o‘z majburiyatlarini bajarishda respublikaning oliy minnatdorchilik darajasida sazovor bo‘lgan faqat xorijiy davlat arboblariga beriladi”.
Maduro Argentinaning sobiq prezidenti Kristina Fernandes de Kirshner qaroriga asosan 2013-yilda orden bilan taqdirlangan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Argentina Maduroni ordenidan mahrum qildi appeared first on Daryo .
Batafsil | Подробно | Read more... Daryo