Sergelidagi qurilish qilib bo‘lmaydigan yerda 10 ming tup olma ekildi

Sergeli tumanida 2016-yili bo‘sh yotgan 3,2 gektar maydon obodonlashtirilib, bu yerda shahar sharoitida uchramaydigan intensiv olma bog‘i tashkil etilgan edi.
Hokimlik mutasaddilarining “Daryo”ga ma’lum qilishicha, temiryo‘l yoqasidagi ushbu hududdan yuqori kuchlanishdagi elektr tarmoqlari o‘tgan bo‘lib, bu yerda kapital qurilish ishlarini bajarish mumkin emas. Shu bois hudud ko‘pdan beri qarovsiz va bo‘sh yotgan.

Foto: Sergeli tuman hokimligi

Xabar berishlaricha, shahar sharoitida yaratilgan bog‘da “Saltanat”, “Jeromin”, “Golden”, “Pink Ledi” va “Gala” kabi navlardagi 10 ming tup pakana va yarim pakana olma ko‘chatlari ekilgan bo‘lib, ular tomchilatib sug‘orish tizimi bilan sug‘oriladi.

Foto: Sergeli tumani hokimligi

“2017-yildan boshlab mazkur bog‘da yetishtirilgan olmalar Sergeli tumani hududidagi dehqon bozorlarining ‘Elga xizmat’ rastalalarida arzonlashtirilgan narxlarda sotilmoqda”, — deydi hokimlik vakili.

Foto: Sergeli tuman hokimligi

Hokimlik mutasaddilarining fikricha, Toshkent shahridagi bo‘sh yotgan, yerosti kommunikatsiyalari, yuqori kuchlanishdagi elektr tarmoqlari o‘tgan, kapital qurilish mumkin bo‘lmagan, temir yo‘l yoqasidagi yerlarda shunday bog‘larni tashkil etish ekologik vaziyatni yaxshilashga hamda aholini sifatli va arzon meva mahsulotlariga bo‘lgan ehtiyojini qondirishga xizmat qiladi.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Sergelidagi qurilish qilib bo‘lmaydigan yerda 10 ming tup olma ekildi appeared first on Daryo .
Batafsil | Подробно | Read more... Daryo