Saudiya Arabistoni va Iroq 27 yildan so‘ng chegarani ochishga qaror qildi

Saudiya Arabistoni va Iroq 1990-yildan buyon birinchi marta ikki mamlakat o‘rtasidagi Arar o‘tkazish punktini ochishga qaror qildi, deb yozmoqda “Gazeta.ru”.

Foto: Makkah

Chegara Iroqning sobiq prezidenti Saddam Husayn Kuvaytga hujum qilganidan so‘ng yopilgan edi.
Ta’kidlanishicha, so‘nggi 27 yil davomida nazorat-o‘tkazish posti yilda bir marta — musulmonlarning Makkaga haj ziyorati vaqtida ochilgan.
Saudiyalik va iroqlik rasmiylar chegara hududini ko‘zdan kechirgan, shuningdek, ular iroqlik ziyoratchilar bilan ham suhbatlashgan.
Iroqning Anbar provinsiyasi rahbari Sohaib al-Ravining aytishicha, Ararga boradigan yo‘lni qo‘riqlash uchun harbiylar safarbar qilingan. Uning so‘zlariga ko‘ra, bu ikki mamlakat munosabatlarining yaxshilanishida “muhim qadam” hisoblanadi.
Chegaralarning ochilishi doirasida Bag‘dod va Ar-Riyod o‘rtasida savdo munosabatlarining kengayish imkoniyati ham paydo bo‘ladi.
Reuters’ning xabar qilishicha, Saudiya Arabistoni va BAAning Iroqqa nisbatan bunday harakatlari ularning mintaqadagi asosiy dushmani — Eronga qarshi o‘z ta’sirini kuchaytirishga urinish bilan izohlanmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Saudiya Arabistoni va Iroq 27 yildan so‘ng chegarani ochishga qaror qildi appeared first on Daryo .
Batafsil | Подробно | Read more... Daryo