АҚШлик шифокорга оғриқ қолдирувчи дорилар учун 1360 йиллик қамоқ жазоси тайинланиши мумкин

Суд калифорниялик Хулио Габриэл Диазни оғриқ қолдирувчи дориларни ноқонуний тарқатишда айбдор, деб топди. Бу ҳақда «Корреспондент.net» хабар беради.

Фото: «Корреспондент.net»

2011 йил мобайнида шифокор 1,7 миллион дозаларда OxyContin каби кучли оғриқ қолдирувчи дорилар учун рецепт ёзиб берган. АҚШ прокуратураси Лос-Анжелесдаги вакилининг сўзларига қараганда, айбланувчининг клиникасидаги беморларнинг баъзилари гиёҳванд бўлган. Бундан ташқари, бир қанча кишилар дори дозасининг ошириб юборилиши натижасида вафот этган.
Тергов давомида сўроқ қилинган шифокор ва фармацевтларнинг таъкидлашича, улар 67 ёшли Диаз ёзиб берган шаклдаги дорилар дозаси ва бирикмасини ҳеч қачон кўрмаган.
Прокуратура Диазни 79 та банд бўйича айбламоқда. Унга максимал муддат – 1360 йиллик қамоқ жазоси хавф солмоқда. Муддатнинг қисқартирилиш эҳтимоли бор.
Batafsil | Подробно | Read more... Daryo