Dunyoning eng badavlat 12 ayoli qanday ko‘rinishga ega va nima bilan shug‘ullanadi?

Badavlat ayollar haqida eshitganimizda ko‘z o‘ngimizda mashhur aktrisa, top-modellar va badavlat erkaklarning rafiqalari gavdalanadi.
AdMe bunday qarashlarni o‘zgartirish va shaxsiy millionlari, hatto milliardlariga ega bo‘lgan ayollar bilan tanishtirishga qaror qildi.

Sheyxa Moza, Qatar

Foto: AdMe



Yoshi: 58 da
Boyligi: 10 million dollar
Sheyxa Moza bint Naser al-Misned Qatar amirining ikkinchi xotini va yetti nafar bolaning onasi. U nafaqat mamlakatning siyosiy va jamoat hayotida faol ishtirok etadi, balki fan va texnologiyaning rivojlanishiga ham e’tibor qaratadi. Bir nechta sharafli doktorlik unvonlariga ega Sheyxa Moza sayyoraning eng nazokatli birinchi xonimlaridan biri nomiga ham sazovor bo‘lgan.

Ivanka Tramp

Foto: AdMe



Yoshi: 35 da
Boyligi: 740 million dollar
Donald Trampning katta qizi otasining pullariga ishonib yashashi ham mumkin edi, biroq o‘z millionlarini ishlab topishga qaror qildi. Ivanka bir nechta firmalarga ega, muvaffaqiyatli biznes yuritmoqda, teleko‘rsatuvlarda ishtirok etadi va hatto kitob yozgan. Bo‘sh vaqtlarini oilasiga bag‘ishlaydigan Ivanka Tramp o‘zi uchun ham vaqt ajratishga muvaffaq bo‘ladi. Buni uning 35 yoshidagi hashamatli ko‘rinishi ham tasdiqlaydi.

Pansi Xo, Xitoy

Foto: AdMe



Yoshi: 54 da
Boyligi: 3,4 milliard dollar
Pansi Xo — Xitoydagi o‘yin imperiyasi sohibi Stenli Xoning qizi. Pansining 16 nafar aka-singillari bor, biroq faqat u shaxsiy milliardlarini ishlab topdi. Bugun uning boyligi otasinikidan ancha ko‘p.

Margarita Lui-Dreyfus, Fransiya

Foto: AdMe



Yoshi: 55 da
Boyligi: 5,3 milliard dollar
Dunyodagi eng boy rus ayoli — Margarita Lui-Dreyfusning asli familiyasi Bogdanova. Erining o‘limidan so‘ng u kompaniya va  “Olimpik” futbol klubini meros sifatida oldi. Bugungi kunda u shaxsiy kompaniyasida bosh direktor vazifasini bajaradi. Shuningdek yana turmushga chiqqan va ikki farzandini tarbiyalamoqda.

Kerri Perrodo, Singapur

Foto: AdMe



Yoshi: 66 da
Boyligi: 5,3 milliard dollar
Kerri erining o‘limidan so‘ng bir necha milliard dollarga ega bo‘ldi. Guberta Perrodoga eng yirik neft kompaniyalaridan biri tegishli edi. Endi kompaniyani ularning o‘g‘li boshqarmoqda, Kerri esa xayriya ishlari bilan mashg‘ul va o‘zining 66 yoshida ajoyib ko‘rinishga ega.

Sharlotta Kaziragi, Monako

Foto: AdMe



Yoshi: 31 da
Boyligi: 5,7 milliard dollar
Sharlotta Kaziragi Monako taxtiga sakkizinchi o‘rindagi merosxo‘r. Greys Kellining nabirasi jurnalistika bilan shug‘ullanadi, bo‘sh vaqtini esa ot sportiga bag‘ishlaydi. Sharlotta buvisidan nafaqat qirollik boyligi, balki yorqin ko‘rinishni ham meros qilib olgan.

Kristi Uolton, AQSh

Foto: AdMe



Yoshi: 68 da
Boyligi: 6,1 milliard dollar
Wal-Mart dunyoviy tarmog‘i merosxo‘ri bevasi uzoq vaqt davomida sayyoraning eng badavlat odamlari yigirmaligiga kirgan. Bugungi kunda Kristi Uoltonning boyligi biroz kamaygan, biroq u dunyoning eng mashhur ayol-filantropligicha qolmoqda.

Ayris Fontbona, Chili

Foto: AdMe



Yoshi: 74 da
Boyligi: 13,7 milliard dollar
Ayris Fontbona daromadini turmush o‘rtog‘i o‘limidan so‘ng qo‘lga kiritganlardan biri. Eng boy chililik ayol bo‘lgan Ayris 74 yoshida oilaviy biznesiga rahbarlik qiladi.

Loren Pauell Jobs, AQSh

Foto: AdMe



Yoshi: 53 da
Boyligi: 20 milliard dollar
Apple kompaniyasi asoschisining bevasi tobora ko‘proq jamoatchilik e’tiborini o‘ziga qaratmoqda. Erining o‘limidan so‘ng aksiyalarni qo‘lga kiritgan Loren Pauell Jobs sayyoraning badavlat ayollari ro‘yxatida yetakchi o‘rinlardan birini egalladi, ishlarni yuritishni davom ettirdi va xayr-ehson ishlariga jiddiy kirishdi.

Syuzanna Klatten, Germaniya

Foto: AdMe



Yoshi: 55 da
Boyligi: 22,5 milliard dollar
Syuzanna Klatten akasi bian birga BWM aksiyalarining yarmiga egalik qiladi, bundan tashqari farmatsevtik kompaniyasiga rahbarlik qiladi. Germaniyaning eng badavlat ayoli biznesni muvaffaqiyatli yuritib, bo‘sh vaqtini oilasi davrasida o‘tkazadi.

Elis Uolton, AQSh

Foto: AdMe



Yoshi: 67 da
Boyligi: 38,7 milliard
Wal-Mart tarmog‘i asoschisining qizi ro‘yxatning ikkinchi o‘rnini egalladi. Elis san’at bilan mashg‘ul va o‘z kolleksiyasini to‘plash bilan shug‘ullanadi. U, shuningdek, 2011-yilda Amerika san’ati muzeyini ochdi.

Lilian Bettankur, Fransiya

Foto: AdMe



Yoshi: 94 da
Boyligi: 43,1 milliard dollar
Keksa yoshiga qaramasdan, L’Oreal imperiyasi merosxo‘ri ishlashda davom etmoqda va shaxsiy xayriya jamg‘armasi bilan shug‘ullanadi. O‘zining 94 yoshida Lilian Bettankur nafaqat dunyoning eng badavlat ayoli, balki qirolicha kabi ko‘rinish sohibi hamdir.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Dunyoning eng badavlat 12 ayoli qanday ko‘rinishga ega va nima bilan shug‘ullanadi? appeared first on Daryo .
Batafsil | Подробно | Read more... Daryo