Turkiya qirg‘oqlari yaqinida suriyalik muhojirlar qayig‘i cho‘kishi oqibatida to‘rt bola halok bo‘ldi

Egey dengizining Turkiya shimoli-g‘arbidagi Chanoqqal’a viloyati Ayvadjik shahri yaqinidagi qirg‘oqlarida suriyalik muhojirlarni olib ketayotgan qayiqning ag‘darilib ketishi oqibatida 1—4 yosh oralig‘idagi to‘rt bola halok bo‘ldi. Bu haqda “RIA Novosti” xabar bermoqda .

Foto: Getty Images

Anadolu agentligining xabar berishicha, Turkiya sohil qo‘riqlash xizmati to‘mparilib ketgan qayiqda bo‘lgan 19 kishini qutqarib qolgan. Muhojirlar noqonuniy yo‘l bilan Gretsiyaning Lesbos oroliga yetib olish niyatida bo‘lgan.
Gretsiya va Italiya Yevropaga kelayotgan muhojirlar va qochoqlar uchun muhim tranzit mamlakatlari bo‘lib qolmoqda. Xalqaro migratsiya tashkiloti (XMT) ma’lumotlariga ko‘ra, Gretsiya 277,8 ming suriyalik, 76,6 ming afg‘onistonlik, 21,5 ming iroqlik, 14 mingdan ortiq pokistonlik va 12,6 mingdan ortiq albaniyalikni qabul qilgan.
Oktabr oyi boshidan beri Gretsiyaga 68 ming muhojir keldi. Ularning aksariyati (qariyb 42 ming nafari) Lesbos oroliga kelgan. XMT hisob-kitoblariga ko‘ra, Gretsiyaga har kuni o‘rtacha 4,5 ming kishi kelmoqda.
Batafsil | Подробно | Read more... Daryo