Dunyoda eng yaxshi xizmat ko‘rsatuvchi mehmonxonalar ro‘yxati (foto)

Insider Pro mutaxassislar tomonidan mijozlarga eng yaxshi xizmat ko‘rsatadigan deya e’tirof etilgan mehmonxonalar ro‘yxatini taqdim etdi .
Singita Lodge, Serengeti, Tanzaniya

Foto: Insider Pro

Serengetiga sayohat qilishni istaganlar uchun ajoyib maskanlardan biri. Liza Lindblad ismli turagentning so‘zlariga ko‘ra, Singita xodimlari “juda yaxshi” tarbiya ko‘rgan. Muassasa daromadining bir qismi atrofdagi yerlar himoyasi uchun sarflanadi, bu esa o‘z navbatida xodimlarning oilalarini qo‘llab-quvvatlaydi. Bu kabi mexanizm “mehmonxonada hayratlanarli darajada baxtli va ajoyib muhitni hosil qiladi”.
Sacher, Vena, Avstriya

Foto: Insider Pro

“Men sayyohlarni ushbu mehmonxonaga bir necha bor olib kelganman. Bu yerdagi xizmat ko‘rsatish va muammolarni hal qilish tezligi doim yuqori darajada bo‘lgan”, — deydi Protravel turistik firmasining agenti Natali Nagi.
Kempinski Adlon, Berlin, Germaniya

Foto: Insider Pro

Ushbu oilaviy mehmonxona mijozlar so‘rovini qondirish uchun qo‘lidan kelgan barcha ishni qiladi.
Aria, Budapesht, Vengriya

Foto: Insider Pro

“Menga ushbu mehmonxonadagi musiqa bilan shug‘ullanuvchi oqsoch yoqadi. U nafaqat odatiy so‘rovlarga javob beradi, balki musiqaning turli janrlariga yaxshi tushunadi va mijozlarga keraklisini taklif ham qiladi”, — deydi Nagi.
Villa Feltrinelli, Garnyano, Italiya

Foto: Insider Pro

Bu yerning xodimlari yaxshi tarbiya ko‘rgan, xotirjam, klassik uslubga rioya qiladi va mehmonlarga g‘amxo‘r. Ular Yevropadagi xususiy qasrlarning xizmatchilariga o‘xshaydi.
Amanemu, Ise-Sima, Yaponiya

Foto: Insider Pro

Amanemu mehmonxonasi Ise-Dzingu sintoistlar ibodatxonasi yaqinida joylashgan. “Amanemu mehmonxonasiga egalik qiluvchi Aman kompaniyasi “sharqning an’anaviy qadriyatlari asosida tarbiya ko‘rgan, mehmonlarga g‘amxo‘rlik qiladigan, mehribon, xushmuomala va professional xodimlarni tanlaydi. Natijalar kutilganidan ham a’lo”, — deydi Lindblad.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Dunyoda eng yaxshi xizmat ko‘rsatuvchi mehmonxonalar ro‘yxati (foto) appeared first on Daryo .
Batafsil | Подробно | Read more... Daryo