Futbol jurnalistlarini haqorat qilgan O‘FF xodimi rasman kechirim so‘rashga majbur bo‘ldi

O‘FF xalqaro bo‘limida faoliyat olib boruvchi Sherzod Igamberdiyev Facebook sahifasida futbol jurnalistlarini haqorat qilgani uchun uzr so‘radi . Avvalroq futbol jurnalistlari federatsiyasi rahbariyatiga ochiqcha chiqish qilib, jurnalistlarni tinimsiz haqorat qilishda chegara bilmayotgan Igamberdiyevni yo ishdan bo‘shatishni yoki bo‘lmasa O‘FF rasmiy saytida tushuntirish berishini talab qilgandi .

Foto: Facebook

O‘zbekiston — Qirg‘iziston o‘yini arafasida Igamberdiyev Facebook sahifasida chiqish qilib, aytganlari uchun uzr so‘radi va o‘zbekistonlik futbol jurnalistlarini mamlakatdagi eng yaxshisi deb tan oldi. Biroq O‘FF rasmiy sayti bu borada rasman tushuntirish bermadi, shuningdek, Igamberdiyevning ishdan olingani borasida ham xabar chiqmadi.
Quyida Sherzod Igamberdiyevning uzrnomasi keltirilgan:
Kecha men jurnalistlarimiz darajasini qishloqniki bilan tenglashtirib post qoldirganimdan so‘ng, jurnalistlar jamoatchiligi O‘zbekiston futbol federatsiyasi rahbariyatiga ochiq murojaat bilan chiqib, mening rasman kechirim so‘rashimni talab qildi.
Bu postda men O‘zbekiston jurnalistlaridan ochiqchasiga uzr so‘rayman. Hozir biz yaqindan bilgan o‘zbekistonlik jurnalistlar shubhasiz mamlakatning eng yaxshi jurnalistlaridir. Ulardan zo‘ri yo‘q, yo‘qsa ularni hech kim o‘qimagan va millionlab ishqibozlar ularga quloq solmagan bo‘lardi. Bu ayni haqiqat. Bir vaqtning o‘zida hozirgi vaziyat mamlakatimiz jurnalistlari birdamligining yorqin dalilidir.
Kecha meni tegishli postni yozishga majbur qilgan jihat O‘zbekiston — Qirg‘iziston uchrashuvining yopiq eshiklar ortida o‘tishi bilan bog‘liq faktning jurnalistlar tomonidan, mening nazdimda, mutlaqo nohaq tanqid etilgani bo‘ldi. Shu munosabati bilan, men guruhdagi raqibimiz Qatar ham yopiq eshiklar ortida o‘rtoqlik uchrashuvi o‘tkazayotganiga jurnalistlar e’tiborini qaratishga qaror qilgandim. Mening postimni haqorat sifatida qabul qilib, ayni damda undagi asosiy ma’noga umuman e’tibor qaratmaganliklaridan afsusdaman.
Hozir terma jamoamiz Jahon chempionati saralash bosqichi doirasida ikkita juda muhim o‘yin o‘tkazish ostonasida turibdi. Mojaro va tanqidlar — terma jamoa va murabbiylar shtabi uchun hozir eng kam zarur narsalardir. Mana shu murabbiylar shtabiga oxirigacha ishlashga imkon bering va shundan so‘ng uning ish natijalari haqida mulohaza yuriting.
Shuning uchun, men jurnalistlarimiz va ishqibozlarimizga ochiq murojaat qilib, shu kunlarda terma jamoani qo‘llab-quvvatlashga hamda muhim bahslarga murabbiylar shtabi va futbolchilarning ommaviy mojarolar, haqoratlar, memlar fonida emas, balki qo‘llab-quvvatlov ostida tayyorgarlik ko‘rishiga imkon berishingizni qattiq iltimos qilib qolaman.
Sherzod Igamberdiyev, O‘FF xodimi
“Daryo”ning Telegram’dagi rasmiy kanali — @toshqindaryo’ga a’zo bo‘ling!
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #2ca5e0;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/telegram-icon.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Futbol jurnalistlarini haqorat qilgan O‘FF xodimi rasman kechirim so‘rashga majbur bo‘ldi appeared first on Daryo .
Batafsil | Подробно | Read more... Daryo