Kanadada restoran mijozi tashqi ko‘rinishi osiyolik bo‘lgani uchun ortiqcha haq to‘lashga majbur qilindi

Kanadaning Kvebek shahridagi Aux Anciens Canadiens restoranida mijozning chekiga uning tashqi ko‘rinishi osiyolik bo‘lgani uchun ortiqcha to‘lov yozildi. Bu haqda The Georgia Straight nashri xabar berdi .

Foto: Straight

Kelib chiqishi xitoylik bo‘lgan va Vankuverda yashovchi Kanada fuqarosi Melvin Panning aytishicha, hodisa avgust oyining boshida bo‘lib o‘tgan.
Pan dugonasi bilan restoranda ovqatlangan. U hisobni to‘lamoqchi bo‘lganda, unga xizmat ko‘rsatish haqi qo‘shilganini ko‘rgan. U umumiy hisobning 15 foizini tashkil qilgan.
Pan bundan hayratlangan, biroq ko‘rsatilgan summani to‘lab, restorandan chiqib ketgan. Keyinchalik internet orqali u Aux Anciens Canadiens restoranida barcha mijozlardan shu tariqa haq olinadimi yoki yo‘qligini bilishga qaror qilgan.
Pan restoran saytida bunday ma’lumot yo‘qligini bilgach, restoranga qaytib kelib, tushuntirish talab qilgan. Restoran menejeri unga 15 foizlik to‘lov osiyolik, xususan, xitoylik, yaponiyalik va Janubiy koreyalik mehmonlarning hisobiga avtomatik ravishda qo‘shilishini aytgan.
Aux Anciens Canadiens restorani xodimining aytishicha, bunday mamlakatlarda choy-chaqa berish odati yo‘q. Shuning uchun restoran shu tariqa ofitsiantlarga hatto osiyolik mehmonlardan ham pul olishni ta’minlaydi.
Pan o‘zining Kanada fuqarosi ekanligini tushuntirgach, unga 15 foizlik to‘lov qaytarib berilgan.
“Daryo” yangiliklarini “Odnoklassniki”da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e57e17;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/ok.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Kanadada restoran mijozi tashqi ko‘rinishi osiyolik bo‘lgani uchun ortiqcha haq to‘lashga majbur qilindi appeared first on Daryo .
Batafsil | Подробно | Read more... Daryo