Niderlandiya elchisi Vengriya hukumatini terrorchilarga taqqoslagach, Vengriya Niderlandiyadagi elchisini chaqirib oldi

Vengriya Niderlandiyadagi elchisini maslahatlashuvlar uchun chaqirib olmoqda va bu mamlakatdagi diplomatik vakillik darajasini muvaqqat ishlar vakili darajasigacha tushirmoqda. Bu haqda Vengriya tashqi ishlar va tashqi iqtisodiy aloqalar vaziri Peter Siyyartoning bayonotiga tayanib, “TASS” xabar berdi .

Peter Siyyarto Foto: “Izvestiya”

Ikki mamlakat o‘rtasidagi diplomatik munosabatlarning yomonlashuviga yaqinda o‘z missiyasini yakunlaydigan Niderlandiyaning Vengriyadagi elchisi Gayus Sheltemaning venger OAVlariga bergan intervyusi sabab bo‘lgan.
Diplomat Vengriya hukumatini terrorchilarga tenglashtirgan va “islom ekstremistlari dushman obrazini hosil qilishda Vengriya hukumati qo‘llaydigan prinsiplardan foydalanadi”, degan. Shu sababli Siyyarto bu elchi Vengriya TIVda boshqa ko‘rinmasligini talab qilgan.
Siyyartoning so‘zlariga ko‘ra, ikki mamlakat o‘rtasida noma’lum muddatgacha elchilar darajasidagi aloqalar bo‘lmaydi. “Bu diplomatiyadagi eng radikal qadam”, — degan vazir.
Vazir Vengriya elchixonasidagi muvaqqat ishlar vakiliga Vengriyaga qarshi ayblovni qat’iy rad etish va Niderlandiya tashqi ishlar vazirligidan tushuntirish talab qilish topshirig‘ini yuklagan. “Bizga ochiq tushuntirish kerak, yopiq eshiklar ortidagi tushuntirish yetarli bo‘lmaydi”, — deb ta’kidlagan Siyyarto.
“Hech kimga Vengriya va venger xalqiga nisbatan bunday fikr bildirishga ruxsat berilmagan” — deb qo‘shimcha qilgan vazir.
“Daryo” yangiliklarini Facebook’da kuzatib boring
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #6081c4;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/facebook.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post Niderlandiya elchisi Vengriya hukumatini terrorchilarga taqqoslagach, Vengriya Niderlandiyadagi elchisini chaqirib oldi appeared first on Daryo .
Batafsil | Подробно | Read more... Daryo