Kanadalik turistlar KXDRga qilgan sayohati to‘g‘risida hikoya qilib berdi (foto)

Dunyoning 100 dan ziyod mamlakatida bo‘lishga ulgurgan kanadalik er-xotin Jastin va Anna Uilyams Shimoliy Koreyaga sayohatni “hayotlaridagi eng unutilmas sarguzasht” deb atadi. Bu haqda Business Insider’ga tayanib, “Korrespondent.net” hikoya qildi .

Foto: Jastin Uilyams

Jastin va Anna koreyslar boshqa mamlakatlar haqida nechog‘li kam bilishlaridan hayratga tushgan. “Bu o‘zga dunyoga sayohat bo‘ldi”, — deya ta’kidlaydi Jastin.

Foto: Jastin Uilyams

Koreyaga sayohat Pekindagi brifingdan boshlangan. Mazkur tadbirda sayyohlarga KXDRda nima mumkin, nima esa qat’iyan taqiqlangani xususida ma’lumot berilgan. Masalan, agar Kim Chen Ir portretlari va haykallari kadrga to‘liq sig‘masa, suratga tushirish man etilgan.

Foto: Jastin Uilyams

Mamlakatga uchib kelganlaridan so‘ng Jastin va Annaning pasportlarini to ular Koreyani tark etguncha olib qo‘yishganini juftlik “safarning eng yoqimsiz qismi”, deb atagan.

Foto: Jastin Uilyams

Ularni Pxenyan orolidagi Yanggakdo mehmonxonasining 25-qavatiga joylashtirishgan. Ertalablari to rasmiylar tomonidan biriktirilgan gid kelmaguncha binoni tark etishlari mumkin bo‘lmagan.

Foto: Jastin Uilyams

Uilyamslar KXDRga safar qilgan har bir sayyoh e’tiborini tortadigan jihat – ko‘lami kishini ajablantiruvchi yodgorliklar haddan ziyod ko‘pligini ta’kidlaydi. Ular ham koreys dohiylari — Kim Ir Sen va Kim Chen Ir haykali poyiga gul qo‘ygan, balog‘atga yetgan har bir fuqaro taqishi shart bo‘lgan Kim Chen Ir tasvirlangan znachok taqqan.

Foto: Jastin Uilyams

Jastinda xalq ta’lim saroyiga tashrif katta taassurot qoldirgan. Saroy kutubxonasida 30 millionga yaqin kitob yig‘ilgan, ularning aksariyati “buyuk yetakchi va sevimli dohiy”ga bag‘ishlangan.

Foto: Jastin Uilyams


Batafsil | Подробно | Read more... Daryo