O‘zMUda ham TDIU kirish imtihonlaridagi kabi shubhali “tasodifiy holat” aniqlandi

O‘zbekiston Milliy universitetining Sotsialogiya yo‘nalishiga o‘qishga kirgan talabalarning qariyb barchasi bir auditoriyada bo‘lganini bildiruvchi shubhali belgilar haqida ma’lum qilindi. Bu haqda huquqshunos Xushnudbek Xudoyberdiyev o‘z blogida ma’lumot bergan .

Foto: “Xushnudbek.uz”

Mazkur yo‘nalishga 148 abituriyent hujjat topshirgan, kvota bo‘yicha faqat 15 kishi — 4 ta grant va 11 ta kontrakt o‘rin bo‘yicha o‘qishga qabul qilingan. Ma’lum bo‘lishicha, o‘qishga kirganlardan 11 nafarining javoblar varaqasi raqamlari 767 06 73 dan boshlanib, … 74 , … 75 , … 76 , … 77 , … 78 , … 79 , … 80 , … 81 , … 82 , … 83 raqamlari bilan tugagan.
“Qolgan to‘rtta begona raqam ham bir-biridan uzoq emas. 726 67 23 , … 24 , … 26 va … 10 ”, — deb yozadi huquqshunos. Aynan …10 raqamli abituriyent o‘qishga kirganlar orasida eng past — 109,9 ball to‘plagan, undan avvalgi abituriyent 148,8 ball (oraliq farq — qariyb 40 ball) olgan. O‘qishga kira olmaganlar ro‘yxatida birinchi o‘rinda turgan talabgorning balli — 100,5.
Bu yerda “yopiq yo‘nalish” haqida gap-so‘z bo‘lishi mumkin emas. Chunki O‘zMUda bunday qilishmaydi — hech qachon eshitmaganman. Bu yerda bitta taxmin bo‘lishi mumkin — qaysidir auditoriyada nazorat o‘ta sust, qolganlarida esa dahshatli darajada qattiqqo‘llik evaziga ham shunday yirik tafovut yuzaga kelishi mumkin. Yana ham kim bilsin, balki bularning bari shunchaki tasodifdir…
Xushnudbek Xudoyberdiyev, huquqshunos

Mavzuga doir:   “Narxoz”dagi “tasodiflar”: TDIUdagi kirish imtihonlari bo‘yicha shubhali belgilar topildi

Avvalroq Toshkent davlat iqtisodiyot universiteti kirish imtihonlari shaffof o‘tganini shubha ostiga qo‘yuvchi belgilar topilgani haqida xabar berilgan edi . Xususan, OTMda e’lon qilingan imtihon natijalariga qarab, Menejment yo‘nalishining o‘zbek tili yo‘nalishiga o‘qishga kirgan 70 nafar talaba, rus tili yo‘nalishiga qabul qilingan 15 nafar talaba, shuningdek, Statistika yo‘nalishiga o‘qishga kirgan 60 nafar talaba o‘qishga kira olmagan abituriyentlardan alohida auditoriyalarda test yechgan, degan xulosa berilgan. O‘qishga kirgan talabalar va o‘qishga kira olmagan abituriyentlarning ballari orasidagi farq sezilarli darajada katta ekani ham shubhaga sabab bo‘lgan.
“Daryo”ning YouTube’dagi rasmiy sahifasiga obuna bo‘ling
a.social-link-block:hover{color: white !important; text-decoration: none !important;} a.social-link-block{display: block;color: white !important;clear: both;background: #e62d28;position: relative;padding: 5px 20px 5px 45px; text-decoration: none !important;line-height: 40px;font-size: 17px;}.social-link-block:before{background-image: url(/wp-content/static/icons/youtube.jpg); width: 40px; height: 40px; content: ""; display: inline-block; background-size: 40px 40px; background-position-y: 3px; background-repeat: no-repeat; position: absolute; left: 0; top: 50%; margin-top: -25px;}@media(max-width: 767px) {a.social-link-block{line-height: 25px;}}
The post O‘zMUda ham TDIU kirish imtihonlaridagi kabi shubhali “tasodifiy holat” aniqlandi appeared first on Daryo .
Batafsil | Подробно | Read more... Daryo